ސްލާމީ ކަންތައްތަކާ ބެހޭ ވުޒާރާގެ ބެލުމުގެ ދަށުން މި އަހަރުގެ ތެރޭގައި 41 މަޝްރޫޢެއް ކުރިއަށް ގެންދާނެ ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.
މިގޮތުން ކުރިއަށް ގެންދާ މަޝްރޫޢުތަކުގެ ތެރޭގައި މިހާރު ފަށައިފައިވާ 35 މަޝްރޫޢަކާއި އަލަށް ފަށަން ހަމަޖެހިފައިވާ 6 މަޝްރޫޢު ހިމެނޭ ކަމަށް ވަޒީރު ޝަހީމް ހާމަކުރެއްވިއެވެ.
މިނިސްޓަރު ޝަހީމް ދެއްވި މަޢުލޫމާތުގައި، ”2023 ވަނަ އަހަރުގެ ނޮވެންބަރު މަހުން ފެށިގެން މިހާތަނަށް މިސްކިތްތަކާއި އިސްލާމީ މަރުކަޒުތައް ބިނާކުރުމަށް ސަރުކާރުން 96 މިލިއަން ރުފިޔާ ހޭދަކޮށްފައިވާ“ ކަމަށް ވިދާޅުވިއެވެ. އަދި މިސްކިތްތައް މަރާމާތުކުރުމަށް އަށް މިލިއަނަށްވުރެ ގިނަ ރުފިޔާ ވޭތުވެދިޔަ އަހަރު ޚަރަދުކުރެވިފައިވާ ކަމަށްވެސް ފާހަގަކުރެއްވިއެވެ.
މިހާރު ކުރިއަށްދާ މުހިންމު މަސައްކަތްތަކުގެ ތެރެއިން ރ. އުނގޫފާރު އިސްލާމީ މަރުކަޒުގެ ދޫލަ އެޅުމުގެ މަސައްކަތް ރަމަޟާން މަހުގެ ކުރިން ނިންމާލެވޭނެ ކަމަށް ވަޒީރު ވިދާޅުވިއެވެ. މީގެއިތުރުން، އިސްލާމީ މަރުކަޒުތަކުގެ ބޭނުން އެންމެ ފައިދާހުރި ގޮތުގައި ހިފުމަށް މަގުފަހިކުރުމަށްޓަކައި އިސްލާމީ ކަންތައްތަކާ ބެހޭ ވުޒާރާއިން ގިނަގުނަ މަސައްކަތްތަކެއް ކުރަމުންދާ ކަމަށްވެސް އެމަނިކުފާނު ފާހަގަކުރެއްވިއެވެ.
