300 އަށް ވުރެ ގިނަ މުވައްޒަފުންނާއި އެކު ރޯދަ މަހަށް ރީޑިން ނެގުމުގެ ޕްރޮގްރާމް ސްޓެލްކޯއިން ފަށައިފިއެވެ.
ރީޑިން ނެގުމުގެ ހަރަކާތް ސްޓެލްކޯ ސަރަހައްދުގައި އޮތް ހާއްސަ ރަސްމިއްޔާތެއްގައި ފައްޓަވައިދެއްވީ ކުންފުނީގެ މެނޭޖިން ޑިރެކްޓަރ ހުސެއިން ފަހުމީއެވެ.
މިއީ ރަމަޟާން މަހަށް ހާއްސަކޮށް ދިވެހި ރައްޔިތުންނަށް، ކަރަންޓާއި ފެން ބިލުން ޑިސްކައުންޓު ދިނުމަށް ރައީސް ޑރ. މުހައްމަދު މުއިއްޒު އިއުލާނު ކުރެއްވުމާއި ގުޅިގެން އެކަން ތަންފީޒު ކުރުމަށް ކުރެވޭ މަސައްކަތެކެވެ.
މީޑިއާތަކަށް މައުލޫމާތު ދެއްވަމުން ފަހުމީ މިއަދު ވިދާޅުވީ ރީޑިން ނެގުމުގައި ސްޓެލްކޯގެ 350 އަށް ވުރެ ގިނަ މުވައްޒަފުން ބައިވެރިވަމުންދާކަމަށެވެ. އަދި މިއަދުގެ ނިޔަލަށް މާލޭގެ ސަރަހައްދުގެ 62،000 އަށް ވުރެ ގިނަ ގޭބިސީތަކުން ރީޑިން ނަގާނެއެވެ.
އޭގެ ސަބަބެއްކަމަށް ފަހުމީ ވިދާޅުވީ ކަސްޓަމަރުންނަށް މި މަހު ދެ ބިލު ފޮނުވުމެވެ. އަދި ރޯދަ މަހުގެ 30 ދުވަހަށް ޑިސްކައުންޓު އެއްކޮށް އެއް ބިލެއްގެ ގޮތުގައި ފޮނުވަނީ ފާއިތުވި އަހަރު ޑިސްކައުންޓުގެ އިންސައްތައެއް ރޯދަ މަހުގެ ބައެއް ދުވަސްތަކުގައި ހިމެނޭ ގޮތަށް ބިލު ލިބުމެވެ.
މިއަދުގެ ހަރަކާތަށް ފަހު ދެން ރީޑިން ނެގުމަށް ހަމަޖެހިފައި ވަނީ ރޯދަ މަހުގެ ފަހު ދުވަހުއެވެ.
