4،000 ފްލެޓަށް ޝަރުތު ހަމަވާ މީހުންގެ ލިސްޓް މިއަދު 3 ޖަހާއިރު ހާމަ ކުރާއިރު، ލިސްޓަށް ޝަކުވާ ހުށައެޅުމަށް އެއް މަސް ދުވަސް ލިބޭނެކަމަށް ކަމަށް ސަރުކާރުން ބުނެފިއެވެ.
ކުރީގެ ރައީސް އިބްރާހިމް މުހައްމަދު ސާލިހުގެ ވެރިކަމުގެ ދައުރުގައި ދޫކުރި 4،000 ފްލެޓު ދީފައިވަނީ ޝަރުތު ހަމަވާ މީހުންނަށް ނޫންކަމަށް ބުނެ، އެކަމުގައި މައްސަލަތަކެއް އެބަހުރިކަމަށް ފާހަގަކޮށް މި ސަރުކާރުން ވަނީ ފްލެޓު ލިސްޓް އަލުން ރިއިވެލުއޭޓުކޮށްފައެވެ.
މި ލިސްޓް އާންމުކުރަނީ މިއަދު 3 ޖަހާއިރުއެވެ. ކުރިން ފްލެޓް ލިބޭނެކަމަށް ކަނޑައަޅާފައި ވީ ނަމަވެސް ޝަރުތު ހަމަވީ އޭގެ ތެރެއިން 1،820 މީހުންކަމަށް މިނިސްޓަރު ވިދާޅުވިއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މުއްތަލިބު ވިދާޅުވީ ޝަރުތު ހަމަނުވާކަމަށްވާނަމަ، އެއީ ކީއްވެގެންކަން ބަޔާންކޮށްފައި އޮންނާނެކަމަށެވެ. އެހާ ތަފްސީލުކޮށް މި މައުލޫމާތުތައް ދެނީ އެމީހުންނަށް ޝަކުވާ ހުށައެޅުމުގެ ފުރުސަތު ދީފައި އޮންނައިރު، އެކަން ދެނެގަންނަން ފަސޭހައަކަށްކަމަށް ވިދާޅުވިއެވެ.
ކޮންމެ ބޭފުޅަކަށްވެސް އެ ހައްގު ލިބިގެންވެޔޭ އެބޭފުޅަކު ލިސްޓުން އުނިކުރުމުގެ ކުރިން، އެއަށް ޗެލެންޖުކުރުމުގެ.
މިނިސްޓަރު ވިދާޅުވިއެވެ.
ހައްގެއ ގެއްލިފައި އޮތްކަމަށް ގަބޫލުކުރެވޭނަމަ، އެ ހައްގެއް ހޯދުމުގެ ފުރުސަތު އެ ރައްޔިތަކަށް އޮންނާނެކަމަށް ފާހަގަކޮށް މުއްތަލިބު ވިދާޅުވީ އެފަދަ ކަންކަން ސަރުކާރުން ވަރަށް ރަނގަޅަށް ބަލާނެކަމަށެވެ.
މި ސަރުކާރުން އާންމު ކުރާ ލިސްޓާއިމެދު ހުރި ކަންބޮޑުވުންތަކާއި، ޝަކުވާތައް ހުށައެޅުމަށްޓަކައި 1 މަސް ދުވަހުގެ މުއްދަތެއް ދޭނެކަމަށް މިނިސްޓަރު ވިދާޅުވިއެވެ.
