ދިރާގުން ރަމަޟާން މަހަށް ހާއްސަކޮށްގެން ތަފާތު ޕްރޮމޯޝަންތަކެއް އަގުހުރި އިނާމުތަކާއެކު ތައާރަފްކޮށްފިއެވެ.
ދިރާގުން ބޭއްވި ޕްރެސް ކޮންފަރެންސްގައި، ދިރާގުގެ އޮފިޝަލުންގެ އިތުރުން 12 އަހަރުގެ މިޝާ ވެސް ވަނީ ބައިވެރިވެފައެވެ. ޕްރެސް ކޮންފެރެންސްގައި ވާހަކަދައްކަމުން، މިޝާ ބުނި ގޮތުގައި، މިޝާގެ ރޯދަ ޗެލެންޖަކީ އަދި ސަޕްރައިޒެކެވެ. މި ޗެލެންޖުގައި ހިމެނޭ ކަންތައްތައް ރޯދަމަހުގެ ތެރޭގައި އެނގިގެން ދާނެއެވެ. އެހެންކަމުން، ވީހާވެސް ގިނަ ފަރާތްތަކުން މި ޗެލެންޖުގައި ބައިވެރިވެ އިނާމުތައް ހޯދުމަކީ މިޝާގެ ވަރަށް ބޮޑު އެދުމެވެ.
ދިރާގުގެ މެނޭޖަރ މާކެޓިންގ ކޮމިއުނިކޭޝަންސް، ޙަސަން ޝާރިޙް އާދަމް ވިދާޅުވިގޮތުގައި، މި އަހަރުގެ ރަމަޟާން މަހަށް ހާއްސަކޮށްގެން ކަސްޓަމަރުންނަށް ފައިދާކުރާނެ އަގު ހުރި ގިނަ އިނާމުތަކާއެކު ތަފާތު ޕްރޮމޯޝަންތަކެއް ކުރިއަށް ގެންދިއުމަށް ވަނީ ހަމަޖެހިފައެވެ. ރަމަޟާން މަހަކީ ވަރަށް ގިނަ ލުއި ފަސޭހަތަކާއި އިނާއަތްތައް ލިބިގެންދާ މަހެއް ކަމުގައި ފާހަގަކުރައްވައި، މި މަހުގެ ބޭނުން އެންމެ ރަނގަޅު ގޮތުގައި ހިފުމަށް މިޝާގެ ރޯދަ ޗެލެންޖް އެހީ ވެދޭނެކަމަށް އުންމީދުކުރައްވާ ކަމަށް ވިދާޅުވިއެވެ.
ލޯންޗުކުރި ޕްރޮމޯޝަންތަކަކީ:
- ކަރާ ފެޅުން: ކޮންމެ ދުވަހަހު ދިރާގު އެޕްގައިވާ ކަރާ ފަޅައިގެން 2 ޖީބީ ހިލޭ ޑޭޓާ ހޯދުމުގެ ފުރުސަތު. އަދި ވަކި އަދަދަކަށް ކަރާ ފަޅައިގެން، ހާއްސަ އިނާމުތަކެއް ހޯދުމުގެ ފުރުސަތު. މި އިނާމުތަކުގެ ތެރޭގައި، 10 ޖީބީ ހިލޭ ޑޭޓާ، އެއަރޕޮޑް، ސެމްސަންގ އެސް 25 ފޯން، 1 ޓީބީ ހިލޭ ޑޭޓާ އަދި ސްވިޒަލޭންޑަށް ޗުއްޓީ ދަތުރެއް ހިމެނޭ.
- ހަދިޔާކޮށްގެން ހަދިޔާ ހޯދުމުގެ ފުރުސަތު: ދިރާގު ޕްރީޕެއިޑް އަދި ޕޯސްޓްޕެއިޑް ކަސްޓަމަރުން، އެހެން ފަރާތްތަކަށް ޑޭޓާ ހަދިޔާކޮށްގެން ހިލޭ ޑޭޓާ ހޯދުމުގެ ފުރުސަތު.
- މެޖިކް ޑޭޓާ: ދިރާގު ޕޯސްޓްޕެއިޑް ކަސްޓަމަރުންނަށް ސިލެކްޓް ޑޭޓާ އެޑް-އޮން އެކްޓިވޭޓްކޮށްގެން ހިލޭ ބޯނަސް ޑޭޓާ ހޯދުމުގެ ފުރުސަތު.
- ހިލޭ 5ޖީ ރައުޓަރެއް: އަލަށް 5ޖީ ޓަރބޯ ހިދުމަތް ނަގާ ކަސްޓަމަރުންގެ ތެރެއިން 549 ރުފިޔާއިން މަތީގެ ޕްލޭންތައް ނަގާ ކަސްޓަމަރުންނަށް 5ޖީ ރައުޓަރެއް ހިލޭ.
- ހިލޭ އައި.އެމް.އޯ: ދިރާގު އެޕް އިން އެޑް-އޮން އެކްޓިވޭޓްކޮށްގެން ހިލޭ އައި.އެމް.އޯ، 90 ދުވަހުގެ މުއްދަތައް. މިއީ، ބިދޭސީ ކަސްޓަމަރުންނަށް ހާއްސަކޮށްގެން ކުރިއަށްގެންދާ ޕްރޮމޯޝަނެއް.
- ޑޮނޭޓް އޮން އެޕް: ރަމަޟާން މަހަށް ހާއްސަކޮށްގެން ދިރާގުން ވަނީ ފިޔަވަތި، އަމާން ވެށި އަދި އަމާން ހިޔާއަށް 150،000 ރުފިޔާ ހަދިޔާކުރަން ނިންމާފައި. ދިރާގުގެ ކަސްޓަމަރުންނަށް ވެސް މި ފުރުސަތު ފަސޭހަކަމާއެކު ފޯރުކޮށްދިނުމަށްޓަކައި ދިރާގު އެޕް މެދުވެރިކޮށް މި ރަމަޟާން މަހު މި ކުޑަކުދިންނަށް އެހީތެރިކަން ފޯރުކޮށްދެވޭނެ.
- ފަސޭހަކަމާއެކު ފިތުރު ޒަކާތް ދެއްކުން: ދިރާގު އެޕް މެދުވެރިކޮށް ފަސޭހަކަމާއެކު ފިތުރު ޒަކާތް ދެއްކޭނެ ގޮތް ހަމަޖެއްސުން.
ރަމަޟާން މަހަށް ހާއްސަކޮށްގެން ދިރާގުން ކުރިއަށް ގެންދާ ހާއްސަ ކަންތައްތަކުގެ ވާހަކަ ހިއްސާކުރައްވަމުން، ދިރާގުގެ މެނޭޖަރ ޕަބްލިކް ރިލޭޝަންސް، ޖައިޝާން ހަމީދު ވިދާޅުވިގޮތުގައި، މި ރަމަޟާން މަހު ވެސް، ދިރާގުގެ ގުޑި-ފެސްޓް އަދި ތަށިބަރި މޫވްމަންޓް ކުރިއަށްދާނެއެވެ. އަދި، މި އަހަރު ވެސް، ދިރާގާއި މަމްސް އެއިޑް ގުޅިގެން ’ރަމަޟާން އެއިޑް‘ ކެމްޕެއިންގެ ދަށުން، އެހީއަށް ބޭނުންވެފައިވާ 100 އާއިލާއަކަށް އެހީތެރިކަން ފޯރުކޮށްދިނުމަށް ހަމަޖެހިފައިވާ ވާހަކަ ހިއްސާކުރެއްވިއެވެ.
ދިރާގަކީ ރާއްޖޭގައި ތަފާތު ގިނަ ޕްރޮމޯޝަންތައް ހިންގައި، ހެޔޮ އަގުގައި ގިނަ އޮފަރތަކާއި އަގުހުރި އިނާމުތައް ކަސްޓަމަރުންނާ ހަމައަށް ގެނެސްދެމުންދާ ކުންފުންޏެކެވެ.
