ރަޝިއަން ފެޑަރޭޝަން އަދި ކިންގްޑަމް އޮފް މޮރޮކޯއަށް ދިވެހިރާއްޖެއިން ކަނޑައަޅުއްވާ ނޮން-ރެޒިޑެންޓް ސަފީރުކަމަށް އައްޔަނުކުރެއްވުމަށް ރައީސުލްޖުމްޙޫރިއްޔާ ޑރ. މުހައްމަދު މުއިއްޒު ހުށަހެޅުއްވި ދެ ބޭފުޅުންނަށް ރައްޔިތުންގެ މަޖިލީހުން ރުހުން ދީފިއެވެ.
ރަޝިއަން ފެޑަރޭޝަން ރާއްޖެއިން ކަނޑައަޅާ ނޮން-ރެޒިޑެންޓް ސަފީރުކަމަށް އައްޔަނުކުރުމަށް ރައީސް ފޮނުއްވާފައިވަނީ ލެފްޓިނެންޓް ޖެނެރަލް (ރިޓަޔާޑް) އަބްދުއްރަހީމް އަބްދުއްލަތީފްގެ ނަމެވެ. ކިންގްޑަމް އޮފް މޮރޮކޯއަށް ރާއްޖެއިން ކަނޑައަޅާ ނޮން-ރެޒިޑެންޓް ސަފީރުކަމަށް އައްޔަނުކުރުމަށް ރައީސް ފޮނުވާފައިވަނީ އަހުމަދު ސަރީރުގެ ނަމެވެ.
ރަޝިއަން ފެޑަރޭޝަން އަބްދުއްލަތީފް އައްޔަނުކުރުމަށް 65 މެންބަރުން ވަނީ ރުހުން ދޭން ވޯޓުދީފައެވެ. މޮރޮކޯއަށް ސަރީރު އައްޔަނުކުރުމަށް އި 64 މެންބަރުން ވަނީ ރުހުން ދޭން ވޯޓުދީފައެވެ. އެއްވެސް މެންބަރަކު ރުހުން ދޭން ނުފެންނަކަމަށް ވޯޓެއް ނުދެއްވައެވެ.
ސަރީރަކީ ރާއްޖޭގެ ޚާރިޖީ ދާއިރާއަށް ވަރަށް ގިނަ ހިދުމަތް ކޮށްދެއްވާފައިވާ ބޭފުޅެކެވެ. އަބްދުލްރަހީމް ލަތީފް ވަނީ ސިފައިންގެ ހިދުމަތުގައި 39 އަހަރު ވަންދެން އުޅުއްވާފައެވެ.
