ކުރިއަށް އޮތް ފަސްދުވަހަކީ މޫސުން ގޯސްވާނެ ދުވަސްތަކެއް ކަމަށް ދިވެހިރާއްޖޭގެ މޫސުމާބެހޭ ގައުމީ އިދާރާއިން ބުނެފިއެވެ.
މިކަމާއި ގުޅިގެން މޫސުމާއި ބޭހެ ގައުމީ އިދާރާއިން ނެރުނު ބަޔާނުގައިވާގޮތުން، ރާއްޖޭގެ ހުޅަނގު މޫސުން ގަދަވާނެކަމަށް ލަފާކުރެވޭތީ 2025 މޭ 27އިން 31 ވަނަ ދުވަހުގެ ނިޔަލަށް އުތުރާއި މެދުރާއްޖެތެރޭގެ ބައެއް އަތޮޅުތަކަށް ވައިގަދަވުމާއިއެކު ބޯކޮށް ވާރޭވެހޭނެކަމަށް ލަފާކުރެވެއެވެ. އަދި ކަނޑުވެސް ގަދަވާނެކަމަށްވެސް އެ އިދާރާއިން ލަފާކުރެއެވެ.
މީގެއިތުރުން، އުތުރާއި މެދުރާއްޖެތެރޭގެ ބައެއް ރަށްތަކަށް ވިއްސާރަކޮށް، ގުގުރުމަކީވެސް އެކަށީގެންވާކަމެއްކަމަށް އެ އިދާރާއިން ފާހަގަކޮށްފައިވެއެވެ.
މި ހާލަތާއި ގުޅިގެން، މޫސުމާބެހޭ ގައުމީ އިދާރާއިންވަނީ ކަނޑުގެ ދަތުރުފަތުރު ކުރަން ރާވާފައިވާ ފަރާތްތަކަށް މޫސުމަސް ސަމާލުވެ، ރައްކާތެރިކަމުގެ ފިޔަވަޅުތައް އެޅުމަށް ވަނީ އިލްތިމާސްކޮށްފައެވެ.
ހުޅަނގު މޫސުމުގެ އަސަރު އެންމެ ފުރަތަމަ ކުރީ ރާއްޖޭގެ އުތުރަށް ކަމުގައިވީނަމަވެސް، އެ މޫސުމުގެ އަސަރު މެދު ރާއްޖެތެރެއަށް ފޯރައިފައިވަނީ 2025 މޭ މަހުގެ 12ގައެވެ. އެގޮތުން، ރާއްޖޭގެ އުތުރަށް ހުޅަނގު މޫސުން ފެށިގެންދިޔައީ މިދިޔަ ހަފްތާގެ ބުދަ ދުވަހުގައެވެ. މި އަހަރުގެ ނޮވެމްބަރުގެ މަހުގެ ނިޔަލަށް ހުޅަނގު މޫސުން ދެމިގެންދާނެކަމަށް މޫސުމާއި ބެހޭ ގައުމީ އިދާރާއިން ލަފާކުރެއެވެ.
