ރައީސުލްޖުމްހޫރިއްޔާ ޑޮރ. މުޢިއްޒު، ރިބަޕްލިކް އޮފް ފިލިޕީންސްގެ ރައީސް، ހިޒް އެކްސަލަންސީ ފާދިނަންދް ރޮމުއާލްދޭޒް މަރްކޯޒްއަށް، އެޤައުމުގެ މިނިވަން ދުވަހުގެ ތަހުނިޔާ ފޮނުއްވައިފިއެވެ.
ފިލިޕީންސްގެ ރައީސަށް ރައީސުލްޖުމްހޫރިއްޔާ ފޮނުއްވި ތަހުނިޔާގެ މެސެޖުގައި، އެ މަނިކުފާނުގެ އަމިއްލަފުޅު ނަންފުޅުގައާއި، ދިވެހި ސަރުކާރާއި ރައްޔިތުންގެ ނަމުގައި ހެޔޮއެދުމާއި ތަހުނިޔާ އިޚުލާސްތެރިކަމާއެކު ފޮނުއްވާފައިވެއެވެ.
ރައީސުލްޖުމްހޫރިއްޔާގެ ތަހުނިޔާގެ މެސެޖު ނިންމަވާލައްވާފައި ވަނީ ފިލިޕީންސްގެ ރައީސް މަރްކޯޒްއަށް ދުޅަހެޔޮ ޞިއްޙަތަކާއި އުފާވެރިކަން އެދިވަޑައިގެން، އެ ޤައުމަށާއި އެ ޤައުމުގެ ރައްޔިތުންނަށް ކުރިއެރުމާއި ފާގަތިކަމަށް އެދިވަޑައިގަންނަވަމުންނެވެ.
1978 ވަނަ އަހަރުން ފެށިގެން ޖޫންމަހުގެ 12 ވަނަ ދުވަސް ފާހަގަ ކުރަނީ ފިލިޕީންސްގެ މިނިވަންދުވަހުގެ ގޮތުގައެވެ.
