އައްޑޫ ސިޓީ ހުޅުމީދޫގައި ފުލުހުންގެ ކުރީގެ އޮފިސަރަކަށް ހަމަލާދީ މާރާމާރީއެއް ހިންގައިފިއެވެ.
މީހެއްގެ ގައިގާޖަހާ މާރާމާރީއެއް ހިންގި މައްސަލައެއް ރޭ ފުލުހުންނަށް ހުށައަޅައިފައިވާކަމަށް ފުލުހުން މީޑިއާތަކަށް ފޮނުވި މެސެޖުގައި ބުނެފައިވެއެވެ.
މި މާރާމާރީގައި އަނިޔާވި ފުލުސްމީހާއަށް ފަރުވާދިނުމަށްފަހު މިހާރު ވަނީ ދޫކޮށްލާފައެވެ. އެމީހާއަށް ސީރިއަސް އަނިޔާއެއް ވެފައިނުވާކަމަށް ފުލުހުން މީޑިއާތަކަށް ފޮނުވި މެސެޖުގައި ބުނެފަވެއެވެ.
މިމަައްސަލަ ފުލުހުން ދަނީ އިތުރަށް ތަޙުޤީގު ކުރަމުންނެވެ. ނަމަވެސް މި މައްސަލައިގައި މީހަކު ހައްޔަރުކުރިކަން ނުވަތަ ނޫންކަން ފުލުހުން ނުބުނެއެވެ.
