ކެންސަރު ހޮސްޕިޓަލް އަޅަން، އިދާރީ މަސައްކަތްތައް މިހާރު ނިމިފައިވާކަމަށް ހެލްތް މިނިސްޓަރު އަބްދުﷲ ނާޒިމް އިބްރާހީމް ވިދާޅުވެއްޖެއެވެ.
މިނިސްޓަރު މިހެން ވިދާޅުވީ ރާއްޖޭގެ އާބާދީއާއި އަޅާ ބަލާއިރު ކެންސަރު ޖެހޭ މީހުންގެ އަދަދު އިތުރުވަމުން އަންނާތީ، މި މައްސަލަ ހައްލު ހޯދުމަށް ކުރެވޭ މަސައްކަތްތަކާއި ގުޅޭ ގޮތުން ކުރި ސުވާލެއްގައެވެ.
ޢަމަލީ މަސައްކަތް ވަރަށް އަވަހަށް ފެށޭނެކަމަށް ފާހަގަކޮށް މިނިސްޓަރު ވިދާޅުވީ ކެންސަރު ބައްޔަށް ފަރުވާ ބޭނުންވާ މީހުންނަށް އެ ފުރުޞަތުތައް ފަހި ފަހިކޮށްދިނުމަކީ ސަރުކާރުން ބޮޑު އަހަންމިއްޔަތުކަމެއްދޭ މަސައްކަތެއްކަމަށެވެ. މިކަމަށް ހާއްސަކޮށް އަޅާ ހޮސްޕިޓަލް ވެގެންދާނީ ރާއްޖޭޣައި އަޅާ މިފަދަ ފުރަތަމަ ހޮސްޕިޓަލަކަށްކަމަށް ފާހަގަކޮށް ވިދާޅުވީ މިހާރު ކުރިއަށްދަނީ ހޮސްޕިޓަލް އެޅުމަށް ބޭނުންވާ މާލީ އެހީތެރިކަން ހޯދުމުގެ މަސައްކަތްތައްކަމަށެވެ.
މަސައްކަތުގެ ޓެކްނިކަލް ފީސިބިލިޓީ ބަލައި، ކޮންސެޕްޓްވެސް ވަނީ އެކުލަވާލާފައި. ހޮސްޕިޓަލްގެ ޢަމަލީ މަސައްކަތް މާ ލަސްތަކެއް ނުވެ ފެށޭނެ.
މިނިސްޓަރު ވިދާޅުވިއެވެ.
ންސަރު ބަލި ޖެހުމުގެ ކުރިން އެކަމުން ރައްކާވެ ތިބުމަށް ބާރުއެޅުމުގެ ގޮތުން ސަރުކާރުން އަޅާފައިވާ ފިޔަވަޅުތަކާއި ބެހޭ ގޮތުން މިނިސްޓަރު ވަނީ ވާހަކަދައްކަވާފައެވެ. އެގޮތުން ދުންފަތުގެ އިސްތިޢުމާލުކުރުންފަދަ އެ ބައްޔަށް ހުށައެޅޭ ނޭދެވޭ އާދަތަކުން މުޖުތަމަޢު ދުރުކުރުމަށް ޚާއްސަ ފިޔަވަޅުތަކެއް އަޅާފައިވާކަން ފާހަގަކުރެއްވިއެވެ.
ކެންސަރާއި ގުޅޭ ގޮތުން ރައީސުލްޖުމްހުރިއްޔާ ޑރ މުހައްމަދު މުއިއްޒު ވިދާޅުވީ ކެންސަރއަކީ ބަލި ފެތުރުމުގެ ކުރިން ލައިފް ސްޓައިލްއަށް ގެންނަންޖެހޭ ބަދަލުތަކުންނާއި ކާންބޯން ބޭނުންކުރާ ތަކެތި ހެޔޮ ގޮތުގައި ބޭނުންކުރާނަމަ އަދި އެފަދަ ”ބިހޭވިއަރަލް“ އެތައް ކަމަކުން ވަރަށް ބޮޑަށް މަދުކުރެވިދާނެ ބައްޔެއްކަމަށާއި އެފަދަ އެތައް ބައްޔެއްވެސް ޕްރިވެންޓިވް ހެލްތް ކެއަރ ގެ ދަށުން އެބައްޔަށް އެކަށީގެންވާ ސަމާލުކަން ދެވޭނެކަމަށެވެ.
އެ ބަލި ޖެހުމުން ދެން ރާއްޖެއިން އެ ބައްޔަކަށް ޚާއްސަ ރަނގަޅު ފަރުވާ ލިބޭނެގޮތް ހަމަޖެއްސުމަކީވެސް އެހާ ސަމާލުކަން ދެއްވާނެކަމެއްކަމަށް ރައީސް ވަނީ ވިދާޅުވެފައެވެ.
