ދިވެހި ރާއްޖޭގެ މަތީ ތައުލީމާއި ތަމްރީނުގެ ގާނޫނަށް އިސްލާހު ގެނައުމުގެ ބިލު ފާސްކޮށްފިއެވެ.
މިއީ ބިލު ފާސްކޮށްފައިވަނީ 55 މެންބަރުންގެ ވޯޓާއިއެކުއެވެ. ބިލާއި ދެކޮޅަށް އެއްވެސް މެންބަރަކު ވޯޓެއް ނުދެއްވައެވެ.
މަތީ ތައުލީމާއި ތަމްރީނުގެ ގާނޫނަށް އިސްލާހު ހުށައެޅުއްވީ ރައްޔިތުންގެ މަޖިލީހަށް ހުށަހެޅުއްވީ ސަރުކާރުގެ ފަރާތުން މާފަންނު ދެކުނު ދާއިރާގެ މެމްބަރ އަބްދުﷲ ރިފާއުއެވެ.
މިހާރު އަމަލުކުރަމުން އަންނަ ގާނޫނުގައި ޔުނިވަސިޓީއެއްގެ ގޮތުގައި ރަޖިސްޓްވީވުމުގެ ޝަރުތުތަކުގެ ތެރޭގައި ވަނީ ކޮލެޖެއްގެ ގޮތުގައި ދިވެހިރާއްޖޭގައި މެދުކެނޑުމެއް ނެތި ހިންގަމުން އަންނަތާ މަދުވެގެން 20 އަހަރުވުމެވެ. ނުވަތަ ދިވެހިރާއްޖެއިން ބޭރު ޤައުމެއްގައި އެ ޤައުމެއްގެ ސަރުކާރުން ބަލައިގަންނަ ބޭރު ޤައުމެއްގެ ޔުނިވަރސިޓީއެއްގެ ގޮތުގައި ރަޖިސްޓަރީވެ ހިންގަމުން އަންނަތާ 10 އަހަރު ވެފައިވުމެވެ.
ސަރުކާރުން ހުށައެޅުއްވި އިސްލާހުގެ ބިލުގައި ވަނީ ކޮލެޖެއްގެ ގޮތުގައި ދިވެހިރާއްޖޭގައި މެދުކެނޑުމެއް ނެތި ހިންގަމުން އަންނަތާ މަދުވެގެން 15 އަހަރު ވެފައިވާ މަރުކަޒެއް ކަމުގައިވުން، ނުވަތަ ދިވެހިރާއްޖެއިން ބޭރު ޤައުމެއްގައި އެ ޤައުމެއްގެ ސަރުކާރުން ބަލައިގަންނަ ބޭރު ޤައުމެއްގެ ޔުނިވަރސިޓީއެއްގެ ގޮތުގައި ރަޖިސްޓަރީވެ ހިންގަމުން އަންނަތާ 10 (ދިހައެއް) އަހަރު ވާނަމަ، ޔުނިވާސިޓީއެއްގެ ދަރަޖަ ދިނުމަށެވެ.
މީގެއިތުރުން ހުށަހަޅާފައިވާ އިސްލާހުގެ ބިލުގައި ކޮލެޖެއްގައި ހުންނަންވާ ޝަރުތުތައް ވަނީ މިހާރު އަމަލުކުރަމުން އަންނަ ގާނޫނަށްވުރެ ބޮޑަށް ތަފްސީލުކޮށްދީފައެވެ.
