ސަރުކާރުގެ ކުންފުނިތަކަށް އިންފޮމޭޝަން އޮފިސަރުން އައްޔަނު ކުރަން ޕްރައިވަޓައިޒޭޝަން އެންޑް ކޯޕަރައިޓޭޒޭޝަން ބޯޑު (ޕީސީބީ) އިން އަންގައިފި އެވެ.
ޕީސީބީ އާންމު ކުރި ސާކިއުލާއެއްގައި ބުނީ، ސަރުކާރުގެ ކުންފުނިތަކާއި ސަރުކާރު ބައިވެރިވާ ކުންފުނިތަކާއި، ވިޔަފާރި އުސޫލުން ހިންގާ ސަރުކާރުގެ ތަންތަނުގައި އިންފޮމޭޝަން އޮފިސަރުން އައްޔަނުކުރުމަށް އަންގާ ކަމަށެވެ.
ޕީސީބީން ބުނި ގޮތުގައި، ސަރުކާރުގެ ކުންފުނިތަކާއި ސަރުކާރު ބައިވެރިވާ ކުންފުނިތަކާއި ވިޔަފާރި އުސޫލުން ހިންގާ ސަރުކާރުގެ ތަންތަނުން ޕްރައިވަޓައިޒް ކުރެވިފައިވާ ކުންފުނިތައްވެސް ހިމެނޭހެން އާންމުންނަށް މައުލޫމާތު ހޯދުމަށް އެދި ހުށަހަޅާ ހުށަހެޅުންތައް ބަލައިގަނެ، އަދި ކުންފުނީގެ މައުލޫމާތު އާންމުކޮށް ފާޅުކޮށްދިނުމުގެ އެންމެހައި ކަންކަން ބެލެހެއްޓުމަށް އިންފޮމޭޝަން އޮފިސަރުންނަކީ ކުންފުނިތަކުގައި މުހިއްމު ބައެކެވެ.
މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން އައްޔަނު ކުރެވޭ އިންފޮމޭޝަން އޮފިސަރުންނަކީ، އެ ގާނޫނާއި ގުޅޭ އެންމެހާ އުސޫލުތައް ރަނގަޅަށް ދަންނަ ފަރާތަކަށް ވާންޖެހޭނެ ކަމަށް ޕީސީބީން ވަނީ ބުނެފަ އެވެ.
”އިންފޮމޭޝަން އޮފިސަރުގެ މަގާމަކީ، ކުންފުނީގެ އިދާރީ އޮނިގަނޑު އިސްލާޙުކުރަން ނުޖެހޭނެ، އެވަގުތު ކުންފުނީގައި ވަޒީފާ އަދާކުރަމުންދާ މުވައްޒަފަކަށް ހަވާލުކުރާ ކަމުގައި ދަންނަވަމެވެ. މީގެ އިތުރުން، ކުންފުނިން ޢައްޔަނުކޮށްފައިވާ އިންފޮމޭޝަން އޮފިޝަރުގެ ނަން ގުޅޭނެ ނަންބަރު، އީމެއިލް އެޑްރެސް އަދި RTI ރިކުއެސްޓް ފޮނުވާނެ މަޢުލޫމާތުތައް ކުންފުނީގެ ވެބްސައިޓުގައި ޢާންމުންނަށް ފަސޭހައިން ފެންނާނެގޮތަށް ޝާއިޢުކުރެވިފައި ހުންނަންވާނެއެވެ.“ ޕީސީބީގެ އެންގުމުގައި ވެއެވެ.
މީގެ އިތުރުން، އިންފޮމޭޝަން އޮފިސަރެއް ައއްޔަންކުރުމަށް ބޯޑުން ކަނޑައަޅާ ފަރާތަކީ ވަކި އީމެއިލް އެޑްރެހެއް، އަދި ވަކި ޒިންމާ އަދާކުރާ މަގާމަކަށް އައްޔަންކުރާ ފަރާތެއްކަމުގައި ވާންޖެހޭނެކަމަށް ވަނީ ބުނެފަ އެވެ.
މީގެއިތުރުން މައުލޫމާތު ހޯދުމަށް އެދި ހުށަހަޅާ ހުށަހެޅުންތަކާއި ގުޅޭ މަުއލޫމާތުތައް ފަސޭހައިން ފެންނަން ހުރުމަށް މަގުފަހިވާނެ ގޮތަކަށް އިންފޮމޭޝަން އޮފިސަރެއް އައްޔަންކުރުން މުހިންމުކަމަށް ވެސް ފާހަގަކުރި އެވެ.
އިންފޮމޭޝަން އޮފިސަރުގެ މަގާމަކީ، ކުންފުނީގެ އިދާރީ އޮނިގަނޑު އިސްލާހު ކުރަން ނުޖެހޭނެ، އެވަގުތު ކުންފުނީގައި ވަޒީފާ އަދާކުރަމުންދާ މުވައްޒަފަކަށް ހަވާލުކުރެވިދާނެ މަގާމެއް ކަމަށް ޕީސީބީން ވަނީ ބުނެފަ އެވެ. އަދި ކުންފުނިން އައްޔަނުކޮށްފައިވާ އިންފޮމޭޝަން އޮފިސަރުގެ ނަން، ގުޅޭނެ ނަންބަރު، އީމެއިލް އެޑްރެސް އަދި މަޢުލޫމާތު ހޯދުމަށް އެދި ފޮނުވާނެ މައުލޫމާތުތައް ކުންފުނީގެ ވެބްސައިޓުގައި އާންމުންނަށް ފަސޭހައިން ފެންނާނެގޮތަށް ޝާއިއު ކުރެވިފައި ހުންނަންވާނެކަމަށް ވެސް ވަނީ އަންގާފަ އެވެ.
ޕީސީބީގެ ގާނޫނީ ޒިންމާ އަދާކުރުމުގެ ގޮތުން، ސަރުކާރުގެ ކުންފުނިތަކާއި ސަރުކާރު ބައިވެރިވާ ކުންފުނިތަކާއި ވިޔަފާރި އުސޫލުން ހިންގާ ސަރުކާރުގެ ތަންތަނަށް ޕްރައިވަޓައިޒްކުރުމާއި، ކޯޕަރަޓައިޒްކުރުމާއި، ދައުލަތުގެ ވިޔަފާރި ތަންތަން މޮނިޓަރކޮށް އިވެލުއޭޓްކުރުމުގެ ގާނޫނުގެ ދަށުން ބޯޑުން އަންގާ އެންގުންތަކަށް ކުންފުނިތަކުން އަމަލުކުރުން ލާޒިމުވާނެކަމަށް ވެސް އެންގުމުގައި ވެއެވެ.
