ސަމާ އައިލެންޑް ރިސޯޓްގައި ކޮރޯނާ ވައިރަހަށް ޝައްކު ކުރެވިގެން ޓެސްޓްތައް ހެދި ހަތް މީހުންގެ ނަތީޖާ ވެސް ނެގަޓިވްވުމުން އެ ރަށަށް އަޅާފައިވާ ލޮކްޑައުން ފިޔަވަޅު އުވާލައިފި އެވެ.
އެ ރިސޯޓް ލޮކްޑައުންއަށް ގެނައީ އެ ރަށުގައި ޗުއްޓީ ހޭދަ ކުރަމުންދިޔަ ފްރާންސްގެ ދެ ޓޫރިސްޓެއްގެ ފަރާތުން ކޮރޯނާ ވައިރަހުގެ އަލާމާތްތައް ފެނިގެންނެވެ. އޭގެ ފަހުން އެ ރަށުގެ ބައެއް މުވައްޒަފުންގެ ފަރާތުން ވައިރަހުގެ އަލާމާތްތަކެއް ފެންނަ ކަމަށް ޝައްކުވީއެވެ.
ހެލްތް ޕްރޮޓެކްޝަން އޮތޯރިޓީއިންކޮށްފައިވާ ޓްވީޓެއްގައި ބުނެފައިވަނީ ވައިރަހަށް ޝައްކުވީ އެ އެންމެންގެ ޓެސްޓްގެ ނަތީޖާ ވެސް ނެގަޓިވް ކަމަށެވެ. އަދި މިހާރު ރަށަށް އަރާ ފޭބުމަށް މިހާރު ހުރަހެއް ނޯންނާނެ ކަމަށް ވަނީ ބުނެފައެވެ.
ރާއްޖޭގައި ކޮރޯނާ ވައިރަހަށް ޕޮޒިޓްވެފައިވަނީ ދެ މީހެކެވެ. އެއީ ޅ. ކުރެއްދޫ އައިލެންޑް ރިސޯޓްގެ ދެ މުވައްޒަފުންނެވެ. އެ ދެ މީހުންނަކީ ވެސް ބިދޭސީންނެވެ. ނަމަވެސް އެމީހުންގެ ގައުމެއް ހާމައެއް ނުކުރެ އެވެ. އެ މީހުން ތިބީ ފަރުކޮޅުފުށީގައި ކަރަންޓީނުކޮށްފަ އެވެ.
https://twitter.com/HPA_MV/status/1236397359619133440
