”ގްލޯބަލް ޓޫރިޒަމް ކްރައިސިސް ކޮމިޓީ“ އަށް، ދިވެހިރާއްޖޭގެ ޓޫރިޒަމް މިނިސްޓަރު އަދި ސައުތު އޭޝިއާ ރީޖަނަލް ކޮމިޝަންގެ ޗެއަރ ޢަލީ ވަޙީދު ޢައްޔަންކުރައްވައިފިއެވެ.
”ގްލޯބަލް ޓޫރިޒަމް ކްރައިސިސް ކޮމިޓީ“ އަށް، މިނިސްޓަރު ޢަލީ ވަޙީދު ޢައްޔަންކުރައްވައިފައިވަނީ، ދުނިޔޭގެ ފަތުރުވެރި ޖަމްޢިއްޔާ ނުވަތަ ވޯލްޑް ޓުއަރިޒަމް އޯގަނައިޒޭޝަން (ޔޫއެންޑަބްލިއުޓީއޯ) އިންނެވެ.
https://twitter.com/UNWTO/status/1242040588301713408?s=20
”ގްލޯބަލް ޓޫރިޒަމް ކްރައިސަސް ކޮމިޓީ“ އަކީ ކޮވިޑް-19 އާއި ގުޅިގެން، ދުނިޔޭގެ އެކިއެކި ޤައުމުތަކުގެ ފަތުރުވެރިކަމަށް ސިނާޢަތަށް ކުރިމަތިވާނެ ގޮންޖެހުންތައް ދިރާސާކޮށް، އެ ކަންކަމަށް ޙައްލެއް ގެނައުމުގެ މަޤުޞަދުގައި ޔޫއެންޑަބްލިވއުޓީއޯއިން އެކުލަވާލައިފައިވާ ކޮމެޓީއެކެވެ.
ދުނިޔޭގެ 192 ޤައުމަކުން ކޯވިޑް-19 ފެނިފައިވާއިރު، މި ވައިރަސް ފެތުރުނަ ނުދިނުމަށްޓަކައި، ދުނިޔޭގެ ޤައުމުތަކާއި، އެކިއެކި ޖަމްޢިއްޔާތަކުން އަންނަނީ ގިނަގުނަ މަސައްކަތްތަކެއް ކުރަމުންނެވެ. ކޯވިޑް-19 އިގެ ސަބަބުން، ދިވެހިރާއްޖޭގެ ފަތުރުވެރިކަމުގެ ސިނާޢަތް ހީނަރުވަމުންދާއިރު، ސަރުކާރުން އަންނަނީ، އެހެނިހެން ޤައުމުތަކުގެ ކަމާބެހޭ ފަރާތްތަކާއެކު މަޝްވަރާ ކުރަމުންނެވެެ.
