މާލޭ މަސްމާރުކޭޓު ސަރަހައްދުގައި ރޭ ހިންގި މާރާމާރީއެއްގައި ތޫނު އެއްޗަކުން ހަމަލާދީ މީހަކު ޒަހަމްކޮށްލައިފިއެވެ.
ފުލުހުން ބުނީ ބުދަ ދުވަހުގެ ރޭ މާލެ މަސް މާރުކޭޓު ސަރަހައްދުގައި މާރާމާރީއެއް ހިންގިކަމުގެ މައުލޫމާތު ފުލުހުންނަށް ލިބިފައިވާ ކަމަށެވެ.
އެ މާރާމާރީގައި ތޫނު އެއްޗަކުން ޒަހަމުކޮށްލާފައިވަނީ ދިވެހި ފިރިހެނަކު ކަމަށާއި އައިޖީއެމްއެޗްގައި އޭނާއަށް ފަރުވާދީފައިވާ ކަމަށް ވެސް ފުލުހުން ބުނެފައިވެއެވެ.
އެ މައްސަލައާ ގުޅިގެން މީހަކު ހައްޔަރުކޮށްފައިވާ ކަމަށާއި މައްސަލަ އިތުރަށް ތަހުގީގުކުރަމުންދާ ކަމަށް ފުލުހުން ވިދާޅުވިއެވެ. ނަމަވެސް ހާދިސާގެ އިތުރު ތަފްސީލެއް ދީފައިނުވެއެވެ،
ފުލުހުންގެ ތަފާސްހިސާބުތަކުން ދައްކާ ގޮތުގައި، މި އަހަރުގެ މިހާތަނަށް މާރާމާރީގެ 419 މައްސަލައެއް ފުލުހުންނަށް ހުށަހަޅާފައިވެއެވެ.
