ނ. މަނަދޫ ބަނދަރުގެ އާ ނެރު ފުންކުރުމާއި، ބޭރުތޮށިލުމުގެ މަޝްރޫޢުގެ އަމަލީ މަސައްކަތް ފަށައިފިއެވެ.
އެމްޓީސީސީން މިއަދު ބުނީ، ނ.މަނަދޫ އައު ނެރު ފުންކުރުމާއި، ބޭރުތޮށިލުމުގެ މަޝްރޫޢުގެ އަމަލީ މަސައްކަތްތައް ފެށީ މި މަހުގެ 24 ވަނަ ދުވަހުގައި ކަމަށެވެ.
މި މަޝްރޫޢަކީ 29.1 މިލިއަން ރުފިޔާގެ މަޝްރޫޢެކެވެ.
މި މަޝްރޫޢުގެ ދަށުން 29،038 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރަން ހަމަޖެހިފައިވާއިރު، 195 މީޓަރުގެ ސަރަހައްދެއްގައި ބޭރުތޮށިލުމުގެ މަސައްކަތް ކުރިއަށްދާނެއެވެ.
ހަމައެހެންމެ 188 މީޓަރުގެ ސަރަހައްދެއްގައި ރިވެޓްމެންޓް ޖެހުމުގެ މަސައްކަތާއި، ކޮންކްރީޓް ބްރިޖެއް އެޅުމުގެ އިތުރުން ރޭމްޕެއް ހެދުމާއި، ނެރުބައްތި ހަރުކުރުމުގެ މަސައްކަތް ވެސް ހިމެނެއެވެ.
