އެމްޑީޕީއަކީ ތިނެއް ނޮވެމްބަރު 1988ގެ ޚާއިނުން ފަދަ ގައުމަށް ޣައްދާރު ބައެއް ކަމަށް ކުރީގެ ނައިބު ރައީސް މުހައްމަދު ޖަމީލު އަހުމަދު ވިދާޅުވެއްޖެއެވެ.
ޖަމީލް މިހެން ވިދާޅުވީ ނަސްރުގެ ދުވަހާ ގުޅިގެން ކުރެއްވި ޓްވީޓެއްގައެވެ.
އެގޮތުން ޖަމީލް ވިދާޅުވީ މިއަދު ހަނދާންކޮށްދެނީ ދިވެހިންގެ ތެރޭގައި އަބަދުވެސް ޚާއިނުން ތިބޭކަން ކަމަށާއި އެތައް ބަޔަކު ޝަހީދުވެދަނީ މިފަސްގަނޑުގެ މިނިވަންކަމަށްޓަކާކަން ކަމަށެވެ.
“ބޭރު ސިފައިންނަށް ރާއްޖެ ހިފިދާނެ ކަމަށް ބުނާ މިނިސްޓަރ އަދި ބޭރު ސިފައިން ތިބުމަށް ވަކާލާތުކުރާ އެމްޑީޕީއަކީ އެދުވަހުގެ ޚާއިނުން ފަދަ ޣައްދާރު ބައެއް. މިއަދު ދަސްކުރަންވީ އެންމެ ބޮޑު ފިލާވަޅަކީ މިއީ.” ޖަމީލް ވިދާޅުވިއެވެ.
ނޮވެންބަރު 3 ގެ އުދުވާނީ ހަމަލާގައި ސިފައިންގެ 8 ބޭކަލަކާއި އާންމުންގެ 11 މީހުން ހިމެނޭހެން 18 ދިވެއްސަކު ޝަހީދުވިއެވެ.
