އެމްޓީސީސީން ފޯރުކޮށްދޭ ބަހުގެ ޚިދުމަތް ފުޅާކުރުމަށް ބޭނުންވާ ބަސްތައް މާލެ ގެނެސްފިއެވެ.
މި ބަސްތަކަކީ ހުޅުމާލެ ދެވަނަ ފިޔަވަހީގެ ހިޔާ ސަރަހައްދަށް ހާއްސަކޮށްގެން ގެނައި ބަސްތަކެއްކަމަށް އެމްޓީސީސީގެ ސީއީއޯ އާދަމް އާޒިމް ވަނީ ވިދާޅުވެފައެވެ.
ފޭސް ދޭކަށް ބަހުގެ ޚިދުމަތް ދިނުމަށް ޙަވާލުކޮށްފައިވާ ސަރުކާރުގެ ދަތުރުފަތުރުގެ ޚިދުމަތްދޭ ކުންފުނި އެމްޓީސީސީން މީގެ ކުރިން ބުނެފައިވަނީ މިއަހަރުގެ އޮގަސްޓުމަހުގެ ކުރިން މާލެއިން، ހުޅުމާލެ ފޭސްދޭކަށް ޑައިރެކްޓް ދަތުރުތައް ފެށޭނެ ކަމަށެވެ. ބަހުގެ ޚިދުމަތް މިހާރު ފޯރުކޮށްދެނީ ހުޅުމާލެ ފުރަތަމަ ފިޔަވަހިން ދެވަނަ ފިޔަވަހީގައި އިމާރާތް ކޮށްފައިވާ ހިޔާ ފްލެޓްތައް ހިމެނޭ ސަރަހައްދަށެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީގެ ސީއީއޯ އާދަމް އާޒިމް ވިދާޅުވީ ހުޅުމާލޭ ދެވަނަ ފިޔަވައްސަށް އެމްޓީސީސީން ފޯރުކޮށްދެމުންގެންދާ ބަހުގެ ޚިދުމަތް އިތުރަށް ފުޅާކުރުމަށް ބޭނުންވާ ބަސްތައް ރޭގެ ވަގުތެއްގައި މާލެ ގެނެސްފައިވާ ކަމަށެވެ.
Hulhumale phase 2 ge hiya flat thakuga dhiri ulhey raiyyithunnah dhimaavefaavaa dhathuru fathuruge dhathikamah Raees @ibusolih ge irushaadhuge dhashun dhaaimee hahleh hoadhaa dhinumah beynunvaa bus thah male’ port ah beylun. June 2022 hihfashey dhathuru thah fesheyne. @MTCCPlc pic.twitter.com/inm07p0QvK
— Adam Azim (@adamazim) May 11, 2022
އާޒިމް މިކަމާއި ގުޅިގެން ކުރެއްވީ ޓްވީޓުގައި ވިދާލުވެފައިވާގޮތުން ނަމަ މި ބަސްތަކުގެ ހިދުމަތް މި އަހަރުގެ ޖޫން މަހުގެ ތެރޭގައި ފެށިގެންދާނެއެވެ. އަދި މިއީ ރައީސް އިބްރާހިމް މުހައްމަދު ޞާލިޙްގެ ނިންމެވުމާ އެއްގޮތަށް ގެނައި ބަސްތަކެއް ކަމަށްވެސް އާޒިމް ވިދާޅުވިއެވެ.
