ރައްޔިތުން ބިކަކުރީ ރައީސް ނަޝީދާއި ރައީސް ސާލިހު ގުޅިގެން: ޝުޖާއު

މިވެރިކަމުގައި  ރައްޔިތުން ބިކަކުރީ ރައީސް އިބްރާހިމް މުހައްމަދު ސާލިހް އާއި އެމްޑީޕީގެ ރައީސް މުހައްމަދު ނަޝީދު ގުޅިގެން ކަމަށް ޕީއެންސީގެ ނައިބުރައީސް އަދި ހުޅުމާލެ ދާއިރާގެ ކައުންސިލަރު އިބްރާހިމް ޝުޖާއު ވިދާޅުވެއްޖެއެވެ.

ޝުޖާއު ތުހުމަތު ކުރެެއްވި ގޮތުގައި މި ވެރިކަމުގެ 4 އަހަރު މުޅި ދައުލަތް ލޫޓުވާލާ، ކުރީގެ ރައީސް އަބްދުﷲ ޔާމީން އަށް ހަރާމް ދެ ހުކުން ޖަހައި ކަނޑުވިއްކައި، ރިޒާވް ބަހާލައި އަދި ފައިސާ ވަނީ ޗާޕްކޮށްފައެވެ.

ޝުޖާއު ތުހުމަތު ކުރެއްވި ޣޮތުގައި ކޮވިޑުން ވައްކަން ކޮށް އެތައް ބައެއްގެ ފްލެޓްތައް ފޭރިގަނެފައިވަނީ ރައީސް ސާލިހު އާއި ރައީސް ނަޝީދު ގުޅިގެންނެވެ.

މިވެރިކަމުގެ 4 އަހަރު މުޅި ދައުލަތް ލޫޓުވާލާ،ރައިސް ޔާމިނަށް ހަރާން 2 ހުކުމް ޖަހައި،ކަނޑުވިއްކައި،ރިޒާވް ބަހާލައި،ފައިސާ ޗާޕްކޮށް،ކޮވިޑުން ވައްކަންކޮށް،އެތައްބައެއްގެ ފުލެޓްތައް ފޭރިގަނެ ރައްޔިތުން ބިކަކުރީ ރައީސް އިބްރާހިމާއި ރައީސް ނަޝީދު ގުޅިގެން.1/2

— Ibrahim Shujau (@IbrahimShujaau) January 3, 2023

ޝުޖާއު ވިދާޅުވި ގޮތުގައި މިހާރު ރައީސް ނަޝީދު އުޅެނީ އެމަނިކުފާނާއި ރައީސް ސާލިހު އެކުގައި ރައްޔިތުން ބިކަކުރުމަށް ކުރި މަސައްކަތްތަކަކީ ރައީސް ސާލިހު ކުރި ކަންތައްތައް ކަމުގައި ދައްކައި އެކަމުން ރެކެން ކަމަށެވެ.

ޝުޖާއު ވިދާޅުވިގޮތުގައި ދައުލަތެއްގެ ސިފަ ކަނޑުވާލީ ދެ ރައީސުން ގުޅިގެން ކަމަށާއި އެކަމާއި ގުޅިގެން ރައްޔިތުންގެ މަޖިލީހުން ބެލި އެއްވެސް ކަމެއް ނެތް ކަމަށެވެ.

މީގެ އިތުރުން ރައްޔިތުންގެ މަޖިލީހުގެ ކޮމިޓީތަކުގެ މެޖޯރިޓީވެސް އޮތީ ސަރުކާރުގެ އަތުގައިކަން ފާހަގަކޮށް އެކަމާ ވިސްނާލުމަށް ޝުޖާއު ވަނީ ވިދާޅުވެފައެވެ.

މިހާރު ރ.ނަޝީދުވެސް އުޅެނީ މިހުރިހާ ކަމަކީ ރ. އިބްރާހީމް ކުރި ކަންކަން ކަމަށް ދައްކައި މީގެން ރެކެން.ރައްޔިތުންނޭ މިހުރިހާ ކަމެއްކޮށް،ދައުލަތެއްގެ ސިފަ ކަނޑުވާލީ މި2މީހުން ގުޅިގެން.ރައްޔިތުންގެ މަޖިލީހުން ބެލި އެއްވެސް ކަމެއްނެތް.ކޮމިޓީތަކުގެ މެޖޯރިޓީވެސް އޮތީ މިމީހުންގެ.ވިސްނާ

— Ibrahim Shujau (@IbrahimShujaau) January 3, 2023

ޝުޖާއުގެ އިތުރުން އިދިކޮޅު ޕީޕީއެމް އަދި ޕީއެންސީ އިން ދަނީ މިސަރުކާރަށް ބޮޑެތި ފާޑުކިޔުންތައް އަމާޒުކުރަމުންނެވެ. އެގޮތުން  އިދިކޮޅުގެ ލީޑަރު ރައީސް ޔާމީން ޖަލަށް ލާފައިވަނީ ނުހައްގުން ކަމަށާއި އެމަނިކުފާނަށް ކޮށްފައިވަނީ ހަރާމް ހުކުމެއް ކަމަށް ދަނީ ބުނަމުންނެވެ. އަދި އެކަމާއި ގުޅިގެން އިދިކޮޅުން ދަނީ ސިލްސިލާ މުޒާހަރާތައް މާލޭގައި ކުރަމުންނެވެ.