ރަމަޟާން މަހުގެ ފުރަތަމަ 10 ދުވަހުގެ ތެރޭގައި ފިތުރު ޒަކާތުގެ ގޮތުގައި 1.3 މިލިއަން ރުފިޔާ ލިބިއްޖެއެވެ.
އިސްލާމިކް މިނިސްޓްރީން ވަނީ ވޭތުވެދިޔަ 4 އަހަރުގެ ރޯދަމަހުގެ ފިތުރު ޒަކާތުގެ ތަފްސީލުތައް މީސްމީޑިއާގައި ހިއްސާކޮށްފައެވެ. އެގޮތުން މިއަހަރު ފިތުރު ޒަކާތުގެ ގޮތުގައި ލިބުނު ފައިސާގެ އަދަދު ވަނީ ވޭތުވެދިޔަ ދެއަހަރުގެ ފުރަތަމަ 10 ދުވަހާއި އަޅާބަލާއިރު އިތުުރުވެފައެވެ.
ރަމަޟާން މަހުގެ ފުރަތަމަ 10 ދުވަހުގެ ތެރޭގައި ފިޠުރުޒަކާތުގެ ގޮތުގައި ލިބުނު ފައިސާގެ ތަފްޞީލް#roadha44#zakat44#MVIaffairs pic.twitter.com/tUTbQC7WU2
— Ministry of Islamic Affairs (@MVIaffairs) April 5, 2023
ފާއިތުވެދިޔަ 4 އަހަރުގެ ރޯދަމަހުގެ ފުރަތަމަ 10 ދުވަހު ފިތުރު ޒަކާތް ބަލައިގަތް ގޮތުގެ ތަފްސީލު
1441 ވަނަ އަހަރު (1999) 1،533،844 ރުފިޔާ
1442 ވަނަ އަހަރު (2021) 977،301 ރުފިޔާ
1443 ވަނަ އަހަރު (2022) 1،092،547 ރުފިޔާ
1444 ވަނަ އަހަރު (2023) 1،310،160 ރުފިޔާ
ފިތުރު ޒަކާތް ބަލައިގަތުމަށް ހަމަޖެހިފައިވަނީ ސަރުކާރު ބަންދުނޫން ކޮންމެ ދުވަހަކު ހެނދުނު 10:00 އިން މެންދުރު ފަހު 1:00 އަށެވެ. އަދި މާލެ ނޫން އެހެން ރަށްތަކާއި ސިޓީތަކުގައި ފިތުރު ޒަކާތް ބަލައިގަތުމުގެ އިންތިޒާމް ހަމަޖައްސާނީ އެރަށެއްގެ ކައުންސިލް އިދާރާއިން ކަމަށްވެސް އިސްލާމިކް މިނިސްޓްރީން ވަނީ ބުނެފައެވެ.
ފިތުތު ޒަކާތް ފައިސާ އިން ދައްކާ ނަމަ ދައްކަން ޖެހޭ އަދަދު:
އާދައިގެ ހަނޑޫ: 12 ރުފިޔާ
ތައިލެންޑް ހުދު ހަނޑޫ: 84 ރުފިޔާ
ރަތް ހަނޑޫ: 99 ރުފިޔާ
ބާސްމަތީ ހަނޑޫ (އާދައިގެ): 84 ރުފިޔާ
ބާސްމަތީ ހަނޑޫ (މޮޅު): 100 ރުފިޔާ
ބާސްމަތީ ހަނޑޫ (އެންމެ މޮޅު): 125 ރުފިޔާ
އާދައިގެ ފުށް: 12 ރުފިޔާ
އާޓާ ފުއް: 75 ރުފިޔާ
ފިތުރު ޒަކާތުގެ ގޮތުގައި އާއްމު ގޮތެއްގައި ދައްކާނީ އެބަޔަކު ކެއުމަށް ބޭނުންކުރާ ގޮވާމުގެ ބާވަތްތަކުން ބޮލަކަށް 2.4 ކިލޯގެ މިންވަރު ކަމަށް އިސްލާމިކް މިނިސްޓްރީން ވަނީ ބުނެފައެވެ.