އއ މާޅޮސް ބަނދަރު ތަރައްގީ ކުރުމުގެ މަޝްރޫއުގެ މަސައްކަތަށް ބޭނުންވާ ބޮޑުހިލައިގެ ފަސްވަނަ ޝިޕްމަންޓް ސައިޓަށް ގެންގޮސްފި އެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާއި ހަވާލުކޮށްގެން ކުރިޔަށް ގެންދާ މި މަޝްރޫއުގެ މައުލޫމާތުތައް ހިއްސާކޮށް ކުންފުނިން ބުނީ މިވަގުތު ޕްރޮޖެކްޓުން ކުރިޔަށް ދަނީ ޖެޓީގެ ބީމް ޝަޓަރިންގެ މަސައްކަތް ކަމަށެވެ.
މި މަޝްރޫއުގެ ދަށުން 24،335 ކިއުބިކް މީޓަރުގެ ސަރަހައްދެއްގައި ބޭރުތޮށި ލުމާއި 56 މީޓަރުގައި ގްރޮއިންސް ޖެހުމާއި 100 މީޓަރުގެ ރިވެޓްމެންޓް ޖެހުމާއި 1970 އަކަ މީޓަރުގެ ސަރަހައްދެއްގައި ޕޭވްމަންޓް ހެދުމާއި ބަނދަރު ސަރަހައްދުގައި ބައްތި ހަރުކުރުގެ މަސައްކަތް ހިމެނެއެވެ.
މިއީ މަޝްރޫއަކީ 61.3 މިލިއަން ރުފިޔާގެ މަޝްރޫއެކެވެ.