މިއަދު ހިނގި އަލިފާނުގެ ހާދިސާއާއި ގުޅިގެން އެއާޕޯޓުގެ އެއްވެސް މަސައްކަތަކަށް ބުރޫ ނާރާނެކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ބުނެފިއެވެ.
ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި އަލިފާނުގެ ހާދިސާއެއް ހިނގާފައިވަނީ މިއަދު ހެނދުނުގެ ވަގުތެއްގައެވެ. އެމްއޭސީއެލް އިން މީޑިއާތަކަށް މައުލޫމާތުދީފައިވާ ގޮތުގައި މި ހާދިސާ ހިނގުމަށް މެދުވެރިވީ ތާރުއެޅުމަށް ބޭނުންކުރަމުން އަންނަ މެޝިނެއްގައި ރޯވުމުގެ ސަބަބުންނެވެ.
A fire incident occurred at a work site in @VelanaAirport earlier today. However, we would like to assure all our valued passengers and stakeholders that the situation is under control thanks to the swift action taken by the airport's fire and rescue services.
— Maldives Airports Company Ltd – MACL (@MACLmedia) April 15, 2023
އެމްއޭސީއެލް އިން އިތުރަށް ބުނެފައިވަނީ މިހާރު އަލިފާން އެއްކޮށް ކޮންޓްރޯލް ކުރެވިފައިވާކަމަށާއި، މި ހާދިސާގެ ސަބަބުން ވީއައިއޭގެ އެއްވެސް އޮޕަރޭޝަނަކަށް ބުރޫ ނާރާނެކަމަށެވެ. އަލިފާންގަނޑު ނިންވާލާފައިވަނީ އެއާޕޯޓުގެ ފަޔާ އެންޑް ރެސްކިއުގެ ހާއްސަ ޓީމްއަކުންނެވެ.
އެމްއޭސީއެލް އިން މީޑިއާތަކަށް މައުލޫމާތުދީފައިވާ ގޮތުގައި މި ހާދިސާގައި އެއްވެސް މީހަކަށް އަނިޔާވެފައެއްނުވެއެވެ.
