ރިންގް ރޯޑްތައް ތަރައްގީކުރުމުގެ މަޝްރޫއަށް ހަރަދުވާނީ 1.4 މިލިއަން ރުފިޔާކަމަށް މާލެ ސިޓީ ކައުންސިލު ބުނެފިއެވެ.
ބޮޑުތަކުރުފާނު މަގުގެ މަރާމާތުގެ މަސައްކަތަށް ބޭނުންވާ ތަކެތި ގެނެސް، އަމަލީ މަސައްކަތް ފަށާފައިވަނީ 21 އޭޕްރީލް ވީ ހުކުރުދުވަހު ދުވަހުއެވެ.
މި މަސައްކަތާއި ގުޅިގެން ކުރެއްވި ޓްވީޓެއްގައި މޭޔަރ ޑރ. މުހައްމަދު މުޢިއްޒު ވިދާޅުވީ ބޮޑުތަކުރުފާނު މަގާއި، ޢިއްޒުއްދީން މަގުގެ ތާރު އެޅިބައި މަރާމާތުގެ މަސައްކަތް ވަރަށް ބާރަށް ކުރިޔަށްދާކަމަށެވެ.
ބޮޑުތަކުރުފާނު މަގު/ޢިއްޒުއްދީން މަގުގެ ތާރު އެޅި ބައި މަރާމާތުގެ މަސައްކަތް ބާރަށް ކުރިޔަށްދަނީ. މާލެ އާއި ހުޅުމާލެއާއި ގުޅުވައިދޭ ހައިވޭ ހެދި ކުންފުނިން ކުރަމުންދާ މި މަސައްކަތް 10 ވަރަކަށް ދުވަސް ތެރޭގައި ނިންމޭނެކަމަށް ލަފާކުރެވޭ. pic.twitter.com/ARdTXxBV40
— Dr Mohamed Muizzu (@MMuizzu) April 23, 2023
މި މަސައްކަތް 10 ވަރަކަށް ދުވަސް ތެރޭގައި ނިންމޭނެކަމަށް ލަފާކުރެވޭ ކަމަށްވެސް މޭޔަރު ވިދާޅުވިއެވެ.
ބޮޑުތަކުރުފާނު މަގުގެ މަރާމާތުގެ މަސައްކަތް ކުރަމުންދަނީ މާލެ އާއި ހުޅުމާލެއާއި ގުޅުވައިދޭ ހައިވޭ ހެދި ކުންފުނި ކަމަށްވާ ޗައިނާގެ ހުނާން އިންޖިނިއަރިންގ ކޯޕަރޭޝަން ލިމިޓެޑުންނެވެ. ރިންގް ރޯޑްތައް ތަރައްގީކުރުމުގެ މަޝްރޫއަށް ހަރަދުވަނީ 1,496,800 ކަމަށް ކައުންސިލުން ވަނީ ބުނެފައެވެ.