ދިވެހި ދައުލަތަށް ގިނަ ދުވަހު ހިދުމަތް ކުރެއްވި އާދަމް މޫސާ (ބުޗާގެ ދޮންމަނިކު) އަވަހާރަވެއްޖެއެވެ.
އާދަމް މޫސާ އަވަހާރަވިކަން ހާމަކުރެއްވީ އޭނާގެ ދަރިކަނބަލުން އަދި ކުރީގެ ޔޫތު މިނިސްޓަރު އިރުތިޝާމް އާދަމް އެވެ.
Dear Colleagues, friends and family
It is with heavy hearts that we convey the passing of our father Buchaage Dhon Manik on 25 April 2023 , 4:45 am Brisbane time, a beloved husband, father, and distinguished public servant. He was a man of great integrity, whose dedication to… pic.twitter.com/kAnrkvZ7TF
— Iru(Iruthisham) Adam (@IruthishamAdam) April 24, 2023
އިރުތިޝާމްގެ ޓްވީޓްގައި ވިދާޅުވީ އެކަމަނާގެ ބައްޕަ އަވަހާރަވީ އޮސްޓްރޭލިޔާގެ ބިސްބްރޭންގައި ރޭ ފަތިހު 4:45 ގައެވެ. އިރުތިޝާމް ވިދާޅުވީ އެކަމަނާގެ ބައްޕާފުޅަކީ ދިވެހި ސަރުކާރުގެ މުހިއްމު މަގާމުތަކެއް ފުރުއްވާފައިވާ ގައުމާއި ދައުލަތަށް އިހްލާސްތެރި ހިދުމަތްތަކެއް ކުރެއްވި ބޭފުޅެއް ކަމަށެވެ.
އާދަމް މަނިކު އަވަހާރަވިއިރު އޭނާގެ އުމުރަކީ 92 އަހަރެވެ.
އާދަމް މަނިކު ފުރުއްވި މަގާމްތަކުގެ ތެރޭގައި މަހްކަމަތުލް އަމާން އާއްމު އޮފީހުގެ ކާތިބުކަމާއި، އެ އޮފީހުގެ ސެކެޓްރީގެ މަގާމާއި އިތުރު ވަޒީފާގެ ގޮތުގައި ތަހުގީގް ކޮމެޓީގެ ސެކެޓްރީ ކަމުގެ އިތުރުން ހިންގާ ސެކެޓްރީ ކަމާއި ވުޒާރާތުލް ދާހިލިއްޔާގެ ހާއްސަ ވަކީލުކަމުގެ ޕޯސްޓް އޮފީހުގެ ޕޯސްޓް މާސްޓަރގެ މަގާމާއި، ކޮންޓްރޯލް އޮފް ކޮމިއުނިކެބަލް ޑިޝީޒް ޑިވިޒަންގެ ވަކީލު ކަމާއި މެރިން ޑިވިޒަންގެ ވަކީލު ކަމާއި ރ އަތޮޅުގެ ވެރިޔާގެ މަގާމް ހިމެނެއެވެ.
އިރުތިޝާމް ވިދާޅުވީ ފާއިތުވެދިޔަ 8 އަހަރު އޭނާގެ ބައްޕަ ދިރިއުޅުއްވަމުން ގެންދެވީ އޮސްޓްރޭލިޔާގައި ކަމަށެވެ.
