ހުޅުމާލޭގައި މީހުން ދިރިއުޅެން ފެށިތާ 19 އަހަރު މި މެއި މަހުގެ 12 ވަނަ ދުވަހު ފުރިފައިވާއިރު، އެ ދުވަސް ފާހަގަކުރުމަށްޓަކައި އަރބަންކޯއިން ވަނީ ގިނަ ހަރަކާތްތަކެއް ހިންގާފައެވެ.
ހުޅުމާލޭގެ އަހަރީ ދުވަސް ފާހަގަކުރުމުގެ ގޮތުން އަރބަންކޯއާއި، ހުޅުމާލޭގައި ހިންގަމުން އަންނަ ހޮސްޕިޓަލްތައް ގުޅިގެން ހުޅުމާލޭގެ އެކި ސަރަހައްދުތަކުގައި ހެލްތު ސްކްރީނިން ޕްރޮގްރާމްތަކެއް ވަނީ ކުރިއަށް ގެންގޮސްފައެވެ
މިހަރަކާތް މިއަދު ހަވީރު 4ން އިރުއޮއްސި 6 ޖެހުމާ އާ ހަމައަށް ހުޅުމާލޭގެ ރުއްގަނޑު 1 ސަރަހައްދާއި ރުއްގަނޑު 3 ސަރަހައްދުގައި މި ހެލްތު ސްކްރީނިން ޕްރޮގްރާމް ވަނީ ކުރިއަށް ގެންގޮސްފައިވެއެވެ.
Thank you for partnering with us! @HMH_mv Hiyaa Medical Center
Over the 19 years, we have hosted numerous health screening sessions for Hulhumalé community, ensuring a better and healthy lifestyle for our residents. #19yearsinHulhumalé #MyHulhumalé #UrbancoMv #Urbanco pic.twitter.com/AogTy4OZVZ
— Urbanco (@hdcmaldives) May 19, 2023
މި ޕްރޮގްރާމް މައިގަނޑުގޮތެއްގައި އަމާޒުކޮށްފައި ވަނީ ރާއްޖޭގައި އާންމުކޮށް ފެންނަ ގައިން ގަޔަށް ނާރާ ބަލިތަކަށެވެ. އެގޮތުން ރުށްގަނޑު 1 ސަރަހައްދުގައި ހުޅުމާލެ ހޮސްޕިޓަލުގެ ފަރާރުން ކުރިއަށްދިޔައީ ހިތުގެ ބަލިތަކުގެ ހިރާސްތަކެވެ. އެގޮތުން މި ތިން ސަރަހައްދުގައި މިފަދަ ބަލިތަކުގެ ހިރާސް ދެނެގަތުމުގެ ޓެސްޓުތައް ވަނީ ހަދާފައެވެ. އޭގެ ތެރޭގައި ހަކުރު ޓެސްޓާއި، ބީޕީ އަދި ބީއެމްއައި ބަލައި، މިކަންކަމާ ގުޅުންހުރި މައުލޫމާތު އާންމުންނަށް ފޯރުކޮށްދީފައިވެއެވެ
ހުޅުމާލޭގެ އަހަރީ ދުވަސް ފާހަގަކުރުމުގެ ގޮތުން މިކަހަލަ ހަރަކާތެއް ކުރިއަށްގެންދިއުމުގެ މައިގަނޑު މަގްސަދަކީ ހުޅުމާލޭގެ ރައްޔިތުންނަކީ ދުޅަހެޔޮ ސިއްހަތެއްގައި ތިބޭ ބަޔަކަށް ހަދައި މިކަންކަމަށް އާންމުން އަހުލުވެރިކުރުވުން ކަމަށް އާރބަންކޯއިން ބުނެއެވެ.
