އުކުޅަހު މަގުހެދުމުގެ މަސައްކަތް ފެށިގެން ކުރިއަށް

އއ އުކުޅަސް މަގު ހެދުމުގެ މަސައްކަތުގެ މަޝްރޫއު  މި ހިނގާ ޖުލައިމަހުގެ 4 ވަނަ ދުވަހު ފަށައިފިއެވެ.

މި މަޝްރޫއުގެ ދަށުން 2678 މީޓަރުގެ 10 މަގެއް ތަރައްގީ ކުރުމާއިއެކު އެމަގުތަކުގައި ފެންހިންދާ ނިޒާމް ގާއިމްކުރުމާއި ސެޓްލްމެންޓް ޓޭންކްހަރުކުރުމާއި ކޭބަލް ޖަންކްޝަންފޮށި ވަޅުލުމަށް ވަނީ ހަމަޖެހިފައެވެ.

މި މަޝްރޫއުގެ ދަށުން 4193 އަކަ މީޓަރުގެ ހިނގާ ސަރަހައްދެއްގާއިމް ކުރުމާއި 14،452 އަކަމީޓަރުގެ ދުއްވާ ސަރަހައްދެއް ގާއިމްކުރުމުގެ އިތުރުން މަގުބައްތި އާއި މަގުގެ ނިޝާންތަކާއި ކަފިހި ހުރަސްތައް ގާއިމްކުރުމަށް ވަނީ ހަމަޖެހިފައެވެ.

މީގެ އިތުރުން މަގުހެދުމުގެ މަޝްރޫއުގައި ތަރައްގީކުރެވޭ މަގުތަކުގެ ރައްކާތެރިކަން ކަށަވަރުކުރުމުގެ ގޮތުން ކަފިހިހުރަސް ގާއިމްކޮށް ސްޕީޑްބްރޭކަރު ހަރުކޮށް  ރައްކާތެރިކަން ދޭހަކޮށްދޭ ސައިންބޯޑް ހަރުކުރުމަށް ވަނީ ހަމަޖެހިފައެވެ.

މި މަޝްރޫއު އަކީ 56.11 މިލިއަން ރުފިޔާގެ މަޝްރޫއެކެވެ.