ކުރީގެ ނައިބު ރައީސް އަހުމަދު އަދީބު ބޭސް ފަރުވާ ހޯއްދެވުމަށް ރާއްޖެ އިން ބޭރަށް ވަޑައިގަތުމުގެ ހުއްދަ މޯލްޑިވްސް ކަރެކްޝަނަލް ސާވިސް (އެމްސީސީ) އިން ދީފިއެވެ.
މައުލޫމާތު ލިބިފައިވާ ގޮތުގައި މިހާރު ކުރަމުންދަނީ އަދީބު ރާއްޖެއިން ބޭރަށް ގެންދިއުމަށް ކުރަން ޖެހޭ މަސައްކަތްތަކެވެ. އަދި މި ހަފްތާގެ ތެރޭގައި އަދީބު ބޭރަށް ގެންދާނެކަމުގެ މައުލޫމާތުވަނީ ލިބިފައެވެ.
އަދީބު ނިސްބަތްވާ ޕާޓީ ތާޑްވޭ ޑިމޮކްރެޓްސް ޕާޓީ (އެމްޓީޑީ) ބުނި ގޮތުގައި އަދީބު ގެންދަވަނީ ނާރުގެ ނިޒާމަށް އަސަރުކުރާ ފުރާނައަށް ނުރައްކާތެރި ބައްޔެއް ތަހަމައްލު ކުރަމުންނެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަންސް (އެމްއެމްޕީއާރުސީ) ހިޔާނާތުގެ މައްސަލައިގައި އަދީބުގެ މައްޗަށް ވަނީ 20 އަހަރުގެ ޖަލުހުކުމެއް އިއްވާފައެވެ. ނަމަވެސް ބަލި ހާލަތު ހުރި ގޮތުން އަދީބު ވަނީ ގޭ ބަންދަށް ބަދަލުކޮށްފައެވެ.
advertisment