ޢަލީ މިހެން ވިދާޅުވީ ރާއްޖޭގެ ސިއްޚީ ނިޒާމާއި މެދު ލިޔެފައިވާ ލިޔުމެއް ޓުވިޓަރ ގައި ޙިއްސާ ކުރައްވަމުން ކުރައްވާފައިވާ ޓްވީޓެއްގައެވެ. ޢަލީ ވިދާޅުވީ ބޭހުގެ އަގު ކޮންޓްރޯލު ނުކުރެވުނު ސަރުކާރަކަށް ބޭހުގެ ފެންވަރުވެސް ޔަގީނެއް ނުކުރެވޭނެ ކަމަށެވެ. އަދި ސަރުކާރު އޮތީ ސިއްޙީ ދާއިރާގެ ވިޔަފާރި ކުރާ މީހުންގެވެސް ދަށުވެފައި ކަމަށްވެސް އޭނާ ވިދާޅުވިއެވެ.
ބޭހުގެ ކޮންޓްރޯލު ނުކުރެވުނު ސަރުކާރަކަށް ބޭހުގެ ފެންވަރުވެސް ޔަގީނެއް ނުކުރެވޭނެ. ސަރުކާރު އޮތީ ސިއްހީ ދާއިރާގެ ވިޔަފާރި ކުރާ މީހުންގެވެސް ދަށުވެފައި. ހުރިހައި ހިންމިތަކުން ދިޔައަރަނީ. ހުންގާނު ހިފަނީ އެހެންބަޔެއް. ކެޔޮޅު އުޅެނީ ފޮޓޯ ނެގުމުގައި https://t.co/zKaXBbCLWg
— Ali Hussain (@AleeVoice) July 27, 2023
މިފަދައިން ޢަލީ ހުސެއިން ވިދާޅުވެފައި ވާއިރު ރާއްޖޭގެ ސިއްޚީ ނިޒާމު ވަނީ ބޮއްސުން ލައިފައި ކަމަށް އިދިކޮޅު ފަރާތްތަކުން އަންނަނީ ބުނަމުންނެވެ. މީގެ އިތުރުން އާސަންދަ ބަޖެޓް ހުސްވެ އިތުރަށް ޚަރަދު ކުރަން ޖެހިފައިވާ ކަމަށްވެސް ބުނަމުންދެއެވެ.
ބަލިމީހުންނަށް ބޭނުންވާ ގިނަ ބޭސް އާސަދައިން ނުލިބުމާ، ގިނަ ބޭސްތައް ރާއްޖެއިން ނުލިބޭ ވާހަކަ އަކީ އަބަދުވެސް ދެކެވޭ ވާހަކަތަކެކެވެ.
ދާދިފަހަކުންވެސް ތެލެސީމިޔާ ކުދިން އަބަދުހެން ބޭނުންކުރަންޖެހޭ ބޭހެއް މާލެއިން ނުލިބިގެން ގިނަ ބަޔަކުގެ ކަންބޮޑުވުންތައް ސޯޝަލް މީޑިއާގައި ވަނީ ހާމަކޮށްފައެވެ.
advertisment