ޕީއެންސީގެ ރިޔާސީ ކެނޑިޑޭޓު ޑރ މުހައްމަދު މުއިއްޒުގެ ރަނިންމޭޓެއްގެ ގޮތުގައި މަޖިލީހުގެ ފަރެސްމާތޮޑާ ދާއިރާގެ މެމްބަރު ހުސައިން މުހައްމަދު ލަތީފް ހަމަޖައްސަވައިފިއެވެ.
އިދިކޮޅު މައި ޕާޓީ ޕީޕީއެމްގެ ރިޔާސީ ކެނޑިޑޭޓު ކުރީގެ ރައީސް އަބްދުﷲ ޔާމީން އަބްދުލް ގައްޔޫމްއަށް ކުރިއަށް އޮތް އިންތިހާބުގައި ވާދަކުރެވިދާނެކަމާއިމެދު ސުވާލު އުފެދިފައިވާއިރު، މުއިއްޒު ސޯޝަލްމީޑިއާއަށް ހިއްސާކުރެއްވި ޕޯސްޓެއްގައި ވިދާޅުވީ، އިރާދަކުރެއްވިއްޔާ ރައީސް ޔާމީންއަށް ކުރިއަށް އޮތް އިންތިހާބުގައި ވާދަކުރުމުގެ މަގުފަހިވެގެންދާނެކަމަށެވެ. މުއިއްޒު ވިދާޅުވީ، އެހެންނަމަވެސް އެ ފުރުސަތު ނިލިބިއްޖެ ހާލަތެއްގައި އޭނާ ހުންނެވީ ރައީސް ޔާމީންގެ އިރުޝާދާއިއެކު ވެރިކަން ކުރައްވާނެ ބެކްއަޕް ކެނޑިޑޭޓެއްގެ ގޮތުގައި ޕީއެންސީގެ ފަރާތުން އިންތިހާބު ކުރެވިފައިކަމަށެވެ.
މާތް ﷲ ގެ އިރާދަފުޅާ ވާގިފުޅުން ރައީސް ޔާމީނަށް މިއަހަރު އޮންނަ ރިޔާސީ އިންތިޚާބުގައި ވާދަކުރެވޭނެ. ރައީސް ޔާމީނަށް ވާދަކުރުމުގެ ފުރުސަތު ނުދީފިނަމަ، އެ މަނިކުފާނު ދެއްވާފައިވާ އިރުޝާދާއެކު، ވާދަކުރާނޭ "ބެކްއަޕް" ކެނޑިޑޭޓެއްގެ ގޮތުގައި ޕީ.އެން.ސީ ގެ ކެނޑިޑޭޓެއް ހޮވުމަށް… pic.twitter.com/iujGLn703k
— Dr Mohamed Muizzu (@MMuizzu) August 5, 2023
އޭނާ ވިދާޅުވީ، އެޅިފައިވާ ޒިންމާތަކުގެ ދަށުން ރަނިންގް މޭޓެއްގެ ގޮތުގައި ހުސައިން މުހައްމަދު ލަތީފް ހަމަޖައްސާފައިވާކަމަށެވެ. އޭނާ ވިދާޅުވީ، ހުސައިންއަކީ ޒުވާނެއްގެ އިތުރުން ތައުލީމީ ގާބިލު ހިދުމަތްތެރި މީހެއްކަމަށެވެ. އެހެންނަމަވެސް އޮގަސްޓު މަހުގެ 7 ވަނަ ދުވަހުގެ ކުރިން ރައީސް ޔާމީންއަށް ވާދަކުރެވެނޭ ފުރުސަތު ލިބިގެންދިއުމަށް ދުއާކުރައްވާކަމަށް ވިދާޅުވިއެވެ. މުއިއްޒު ވިދާޅުވީ، އޭނާ ތައްޔާރުކުރަމުންދާ ބެކްއަޕް ކެނޑިޑަސީ އެޕްލިކޭޝަން ހުށައަޅަން ނުޖެހުމަށް ދުއާކުރައްވާކަމަށެވެ.
advertisment