މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖު އެމްޑީޕީއިން ވަކިވެވަޑައިގެންފި

ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖު އެމްޑީޕީގެ މެންބަރުކަމުން ވަކިވެވަޑައިގެންފިއެވެ.

އެމްޑީޕީގެ ޗެއާޕާސަން ފައްޔާޒް އިސްމާއިލަށް ފޮނުވި ސިޓީއެއްގައި މޫސާ ސިރާޖު ވިދާޅުވީ އެމްޑީޕީގެ މެންބަރެއްގެ ގޮތުގައި އިތުރަށް ހުރުމަށް ބޭނުން ނުވާ ކަމަށެވެ. އެހެންކަމުން ޕާޓީގެ ދަފްތަރުން އޭނާގެ ނަން އުނިކޮށްދިނުމަށް ވަނީ އެދިފައެވެ.

ދިވެހި ރައްޔިތުންގެ ޑިމޮކްރަޓިކް ޕާޓީގެ މެންބަރެއްގެ ގޮތުގައި އިތުރަށް ހުންނަން ބޭނުން ނުވާތީ، މިއަދުންފެށިގެން އަޅުގަނޑު އެމްޑީޕީން ވަކިވެއްޖައިން. pic.twitter.com/JN00CszdeK

— Moosa Siraj (@MoosesSiraj) August 21, 2023

ސިރާޖް އެމްޑީޕީގެ މެމްބަރުކަމުން ވަކިވެފައިވަނީ ކޮންކަމަކާއި ގުޅިގެންކަމެއް އަދި މިހާތަނަށް ހާމަކޮށްފައި ނުވެއެވެ.

މޫސާ ސިރާޖް އެމްޑީޕީން ވަކިވެވަޑައިގެންފައިވާއިރު އެމްޑީޕީގެ ޗެއާޕސަން އިންތިހާބުގައި ސިރާޖް ތާއިދު ކުރެއްވީ އިމްތިޔާޒް ފަހުމީއަށެވެ. އޭރު ސިރާޖް މަސައްކަތް ކުރައްވަމުން ގެންދެވީ ރައީސް ނަޝީދުގެ އަރިހުގައެވެ. ނަމަވެސް އެމްޑީޕީގެ ރިޔާސީ ޕްރައިމަރީގައި ސިރާޖް ތާއިދު ކުރެއްވީ ރައީސް އިބްރާހިމް މުހައްމަދު ސާލިޙަށެވެ.