ހުޅުމާލެ ދެކުނު ދާއިރާގެ މަޖިލިސް ގޮނޑި އެމްޑީޕީގެ ކެންޑިޑޭޓު އަހުމަދު ޝަމްހީދު ކާމިޔާބުކުރައްވައިފިއެވެ.
300އަށް ވުރެ ގިނަ ކެންޑިޑޭޓުން 93 ދާއިރާއެއްގެ މަޖިލިސް ގޮނޑި އަށް ވާދަކުރާ މި އިންތިހާބުގައި ހުޅުމާލެ ދެކުނ ދާއިރާއަށް 6 މީހަކު ވާދަކުރެއެވެ. 858 ވޯޓާއިއެކު ޝަމްހީދު ކުރި ހޯއްދަވާފައިވާއިރު، ގާތުން ފަހަތުން ދެވަނައަށް ހޯއްދެވީ ޕީއެންސީގެ ކެންޑިޑޭޓު ޝާނީޒް ހާޝިމްއެވެ.
މި ގޮނޑިއަށް ޖުމްހޫރީ ޕާޓީގެ ފަރާތުން ކުރީގެ ޓްރާންސްޕޯޓު މިނިސްޓަރު އައިޝަތު ނަހުލާވެސް ވާދަކުރެއްވިއެވެ. އޭނާއަށް ލިބިވަޑައިގަތީ 3 ވަނަ އަށް އެންމެ ގިނަ ވޯޓެވެ. އެއީ 158 ވޯޓުކަމަށްވާއިރު ޑިމޮކްރެޓްސްގެ ފަރާތުން މަޑަވެލި ދާއިރާގެ ކުރީގެ މެމްބަރު ހުސައިން ފިރުޝާންވެސް ވާދަކުރެއްވިއިރު، ދުންޔާ މައުމޫން އާއި ޕީއެންއެފް ތަމްސީލުކުރެއްވި އަބްދުއް ސަމަދު(ސަމަދުބެ)ވެސް ވާދަކުރެއްވިއެވެ،.