މި ހަފްތާގައި އޮންނަ ރިޔާސީ އިންތިހާބުގައި ވަކި ކެންޑިޑޭޓަކަށް ވޯޓުދޭން ބުނާނަމަ އެންޓި ކޮރަޕްޝަން ކޮމިޝަން (އޭސީސީ) އަށް މައްސަލަ މައްސަލަ ހުށައެޅުމަށް ހުޅުވާލައިފިއެވެ.
އެ ކޮމިޝަނުން ނެރުން ބަޔާނެއްގައި ބުނެފައިވަނީ، މިއަހަރުގެ ރިޔާސީ އިންތިހާބުގެ ކެމްޕެއިން ކުރިއަށްދާއިރު، ނަޒާހަތްތެރިކަން އިސްކުރުމަކީ މުހިންމުކަމެއްކަމަށެވެ.
ކެމްޕެއިން ކުރިއަށް ދާއިރު ކެންޑިޑޭޓުން ނުވަތަ ކެންޑިޑޭޓުންނަށް ތާއީދު ހޯދުމަށް މަސައްކަތް ކުރާ މީހުން، ވަކި ގޮތަކަށް ވޯޓު ހޯދުމަށް ނުވަތަ ވޯޓު ނުލުމަށް އެއްވެސް ނުފޫޒު ނުފޯރުވުމަށާއި ވަކި މީހަކަށް ވޯޓު ނުލުމަށް ބުނެ ރިށްވަތުގެ ގޮތުގައި ފައިސާ ނުވަތަ ހަދިޔާ ނުދިނުމަށް ދަންނަވަން.
އެސީސީން ބަޔާނުގައިވެއެވެ.
ރިޝްވަތަށް ހުށައެޅޭ އެއްވެސް ކަމެއް ކެންޑިޑޭޓެއްގެ ފަރާތުން ފެނިއްޖެނަމަ، އެ މައްސަލަ ވަގުތުން އޭސީސީއަށް ހުށައެޅުމަށާއި، އެފަދަ އެއްވެސް ހުށައެޅުމެއް ގަބޫލު ނުކުރުމަށް އޭސީސީއިން ވަނީ އިރުޝާދު ދީފައެވެ.
އިންތިހާބާއި ގުޅިގެން، މާލީ އަދި މާއްދީ ގޮތުންވެސް އެއްވެސް ފައިދާއެއް ލިބޭނެކަމެއް ނުކުރުމަށް އޭސީސީއިން ވަނީ އެދިފައެވެ.
އޭސީސީއިން ވަނީ މިފަދަ މައްސަލަތައް ބަލާ، ފިޔަވަޅު އަޅާނެކަމުގެ ޔަގީންކަން ދެއްވާފައެވެ.
advertisment