އަދުރޭ ދައްކާ ވާހަކަ ތަކުގައި އެއްވެސް އަސާސެއް ނެތް: ހަބީބް

ޗާޕު ކުރާ ވޯޓު ކަރުދާސްތައް ފުލުހުންގެ ބެލުމުގެ ދަށުން ވޯޓުލާ މަރުކަޒުތަކަށް ގެންދާއިރު ގެންދާ އަދަދު ވެސް ހާމަ ކުރާ ކަމަށް އޭނާ ވިދާޅުވިއެވެ. ވޯޓު ލާ މީހުންގެ އަދަދާއި އަދި ބާކީވާ ކަރުދާހުގެ މައުލޫމާތުވެސް އެނގޭނެ ކަމަށް އޭނާ ވިދާޅުވިއެވެ.

މީގެއިތުރުން މިހާރު ވޯޓުލާ ބޫތުތައް ބަހައްޓާފައި ހުންނަ ގޮތުން ފަހަތު ޖީބަށް އެއްޗެއް ލިޔަސް އެނގޭނެ ކަމަށް ހަބީބް ވިދާޅުވިއެވެ. އެހެންކަމުން ވޯޓު ކަރުދާސް ބޭރު ކުރި ކަމަށް ބުނެ، އެ ވާހަކަތައް ނުފެތުރުމަށް އޭނާ އިލްތިމާސް ކުރެއްވިއެވެ.

ރިޔާސީ އިންތިހާބުގެ ދެވަނަ ބުުރުގެ ވޯޓުލުން އޮންނާނީ އަންނަ ހޮނިހިރު ދުވަހުއެވެ. އިންތިހާބުގެ ދެވަނަ ބުރުގައި ވާދަކުރައްވާނީ ފުރަތަމަ ބުރުގައި އެންމެ ގިނަ ވޯޓު ހޯއްދެވި ދެ ކެންޑިޑޭޓުންކަމަށްވާ ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއާއި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހެވެ.