އާދީއްތަ ދުވަސްވެސް ސަރުކާރު ބަންދު ކަމަށް ނިންމައިފިއެވެ.
ރައީސުލް ޖުމްހީރިއްްޔާގެ އޮފީހުން މިއަދު ބުނީ މި އޮކްޓޫބަރު މަހުގެ 1 ވާ އާދިއްތަ ދުވަހަކީ ސަރުކާރު ބަންދު ދުވަހެއްކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހަމަޖައްސަވައިފި ކަމަށެވެ.
ރައީސް މިގޮތަށް ހަމަޖައްސަވައި ދެއްވާފައި ވަނީ ސެޕްޓެންބަރު މަހުގެ 30 ވާ ހޮނިހިރު ދުވަހަކީ، ރިޔާސީ އިންތިޚާބުގެ ދެވަނަ ބުރުގެ ވޯޓުލުން ބާއްވާ ދުވަސް ކަމަށް ވުމާއެކު، އިންތިޚާބާ ގުޅޭ އެކިއެކި މަސައްކަތްތަކުގައި، ސަރުކާރުގެ ގިނަ ޢަދަދެއްގެ މުވައްޒަފުންނާއި ޢާންމު ރައްޔިތުން ޙަރަކާތްތެރިވާނެތީ ކަމަށްވެސް ރައީސް އޮފީހުގެ ދެއްނެވުމުގައިވަނީ ފާހަގަކޮށްފައެވެ.
އަދި އެ ދުވަހާ ގުޅިގެން، އޮކްޓޫބަރު މަހުގެ 1 ވަނަ ދުވަހަކީ، ސަރުކާރު ބަންދު ދުވަހެއްގެ ގޮތުގައި ހަމަޖައްސަވައިދެއްވުމަށް، އިލެކްޝަންސް ކޮމިޝަނުން އެދިވަޑައިގެންފައިވާ ކަމަށްވެސް ބުނެފައި ވެއެވެ. ރިޔާސީ އިންތިހާބުގެ ފުރަތަމަ ބުރުގަވެސް ވޯޓަށްފަހު ދެ ދުވަސް ބަންދު ދުވަހެއް ކަމުގައި ކަނޑައެޅިއެވެ.
އެހެންކަމުން މިއަދުން ފެށިގެން ހަތަރު ދުވަސް ސަރުކާރުވަނީ ވަނީ ބަންދު ކޮށްފައެވެ.