ހީކުރި ވަރަށްވުރެ ރައީސުލްޖުމްހުރިއްޔާ ޑރ މުހައްމަދު މުއިއްޒު ކުޅަދާނަކަމަށް މަރަދޫ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ.
އެކްސްގައި ހިއްސާ ކުރެއްވި ޕޯސްޓެއްގައި ޝަރީފް ވިދާޅުވީ ރައީސް މުއިއްޒު ނިންމެވުންތައް ނިންމާލެއް ހަލުވިވެފައި އަވަސްކަމަށެވެ.
ރާއްޖެއަށް ދިމާވެފައި ހުރި ގޮންޖެހުންތައް ގިނަކަމަށް ފާހަގަކޮށް ޝަރީފް ވިދާޅުވީ މިފަދަ އުނދަގޫ ދަތި ދަނޑިވަޅުތަކުގައި ބޭނުންވަނީ ވިސްނުންތެރިކަމާއި، ހުރުމަތްތެރިކަމާއިއެކު ހަލުވި ސްޕީޑުގައި ކަންކަން ކުރާނެ ލީޑަރެއްކަމަށެވެ.
Heekurevunu varah @MMuizzu kulhadhaana.Decision nangavaaleh haluvi vefa avas.Raajjeah kurimathi vefa huri gonjehun ginaguna.Mifadha undhagoo dhathi dhadivalhu thakuga visnun theri kamaa hikumaitheri kamaa eku haluvi speed ga kankan leaderakah gaumu beynun vanee
— Ibrahim Shareef (@AdduShareef) January 15, 2024
ޝަރީފް ޕީއެންސީއާއި ގުޅިވަޑައިގަތީ 28 ޑިސެމްބަރ 2023 ގައެވެ.
އެމްޑީޕީއާއި، ރައީސް އިބްރާހިމް މުހައްމަދު ސޯލިހުގެ ދިފާއުގައި މިދިޔަ ފަސް އަހަރުގެ ތެރޭގައި އެންމެ ބޮޑަށް މަސައްކަތް ކުރެއްވި އެއް ބޭފުޅަކީ ޝަރީފެވެ. އަދި ރައީސް މުހައްމަދު ނަޝީދާއި، ރައީސް ސޯލިހު ދެމެދު ސިޔާސީ ގޮތުން ހިޔާލުތަފާތުވުން އުފެދުމަށް ފަހު އައި ކޯޅުންތަކުގެ ތެރޭގައި ޝަރީފަކީ އެންމެ ފާޅުކަން ބޮޑު ގޮތަކަށް މިހާރުގެ ޑިމޮކްރެޓްސްގެ މެމްބަރުންނާއި ދެކޮޅަށް މަސައްކަތް ކުރެއްވި މެމްބަރެވެ.
ޕީއެންސީއާއި ގުޅިވަޑައިގެން ދެއްކެވި ވާހަކައިގައި ޝަރީފް ވިދާޅުވީ އެމްޑީޕީއިން ވަކިވީ ގައުމީ މަސްލަހަތު އިސްކުރުމަށް ބޭނުންވާތީކަމަށެވެ.
advertisment