ހަތަރު ފުރޮޅުލީ ވެހިކަލް ރަޖިސްޓްރީ ކުރުމަށް ހުށަހަޅާ ގަރާޖުތައް އެއީ ބޭނުން ކުރެވޭ ތަންތަންތޯ ބެލުމަށް ޓްރާންސްޕޯޓް މިނިސްޓްރީން ނިންމައިފިއެވެ.
ޓްރާންސްޕޯޓް މިނިސްޓްރީން ނެރުނު އިއުލާނެއްގައި ބުނީ އެއްގަމު އުޅަނދު ރަޖިސްޓަރީ ކުރާއިރު، ގަރާޖުގެ ވެރިފަރާތަަށް އެންގުމެއް ނެތި، އެ ގަރާޖުތަކުގައި އުޅަނދުތައް ރަޖިސްޓަރީ ކުރަމުން ގެންދާތީ އެ މައްސަލަ ހައްލު ކުރަން ފިޔަވަޅުތަކެއް އަޅަން ނިންމާފައިވާ ކަމަށެވެ.
އެގޮތުން އެއްގަމުގައި ދުއްވާ އިންޖީނުލީ އުޅަނދުތަކުގެ ތެރެއިން ދެ ފުރޮޅަށް ވުރެ ގިނަ ފުރޮޅުލީ އުޅަނދު ރަޖިސްޓްރީ ކުރުމުގެ މަރުހަލާތައް ގާނޫނާއި ގަވާއިދާ އެއްގޮތަށް، ގަރާޖުގެ ވެރިފަރާތުގެ އިއުތިރާޒު ނުކުރާ ކަމުގެ ސިޓީގެ ސައްހަކަން ކަށަވަރު ކުރުމުގެ އިތުރުން އުޅަނދު ރަޖިސްޓްރީ ކުރުމަށް ހުށަހަޅާ ގަރާޖަކީ އުޅަނދު ބޭއްވޭ ގޮތަށް ހުރި ތަނެއްތޯ ބެލުމުގެ މަސައްކަތް ކުރިއަށް ގެންދާނެ ކަމަށް ޓްރާންސްޕޯޓް މިނިސްޓްރީގެ އިއުލާންގައިވެއެވެ.