އެމްޑީޕީގެ ކެންޑިޑޭޓުންނަށް ވެސް ވޯޓުދޭންޖެހޭ ހާލަތު އަތުވެދާނެ: ޔާމީން

އެމްޑީޕީގެ ކެންޑިޑޭޓުންނަށް ވޯޓުދޭންޖެހޭ ހާލަތެސްވެސް އަތުވެދާނެކަމަށް ކުރީގެ ރައީސް އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެއެވެ.

ޕީއެންއެފްގެ ޖަލްސާއެއްގައި ކުރިއަށް އޮތް ރައްޔިތުންގެ މަޖިލީހުގެ އިންތިހާބާއިމެދު ވާހަކަދައްވަމުން ރައީސް ޔާމީންވަނީ އެމްޑީޕީއަށް އެ ޕާޓީގެ ތާއީދު ދިނުމުގެ މައްޗަށް އަލިއަޅުއްވާފައެވެ. އެގޮތުން ކުރިއަށް އޮތް އިންތިހާބުގައި ވާދަކުރާ ކެންޑިޑޭޓުންގެ ތެރެއިން އެމްޑީޕީގެ ކެންޑިޑޭޓަށްވުރެ ޕީއެންސީގެ ކެންޑިޑޭޓު މަގާމަށް އެކަށީގެން ނުވާ ހަލަތެއްގައި އެމްޑީޕީގެ ކެންޑިޑޭޓަށް ވޯޓު ދޭންޖެހިދާނެކަމާއިމެދު ސުވާލު އުފެއްދެވިއެވެ.

އެމަނިކުފާނު ވިދާޅުވީ، އެފަދަ ހާލަތެއްވެސް އައިސްދާނެކަމަށާއި އެއީވެސް ވުމުގެ ޕްރޮބަބިލިޓީ އޮތް ކަމެއްކަމަށެވެ. އެމަނިކުފާނު ވިދާޅުވީ، ކުރިއަށް އޮތް ވޯޓުގެ ނަތީޖާ ނުކުންނާނެ ގޮތް އަންދާޒާނުކުރެއްވޭކަމަށާއި ޕީއެންއެފްއިން އެފަދަ ހުރިހާ ހާލަތަކަށްވެސް ތައްޔާރުވާންޖޭހެކަމަށެވެ.