ރައީސް ޑރ ،މުހައްމަދު މުއިއްޒުގެ ސަރުކާރަުން ޓެކްސް ބޮޑުކުރަންޖެހުނީ ސަރުކާރުގެ ފައިނޭންސިންގް ސްޓްރެޓަޖީ ފެއިލްވެގެންކަމަށް ކުރީގެ ފިނޭންސް މިނިސްޓަރު އިބްރާހިމް އަމީރް ވިދާޅުވެއްޖެއެވެ.
އެމްޑީޕޑީޕީއިން ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން އަމީރު
ވިދާޅުވީ، ސަރުކާރުން 2023 ވަނަ އަހަރު 200 މިލިއަން ޑޮލަރުގެ ފައިނޭންސިންގް ހޯދާނެކަމަށް ބުނެފައިވާއިރު، މި އަހަރުގެ ބަޖެޓަށް 400 މިލިއަން ޑޮލަރު ހޯދާނެކަމަށް މީގެ ކުރިން ބުނެފައިވާކަމަށެވެ. ނަމަވެސް، ރައީސްގެ ސިޓީ ހިފައިގެން ސަރުކާރުން މުޅި ދުނިޔޭގައި ހިނގާފައިވާއިރު އެއްވެސް ގައުމަކުން ފައިނޭންސިންގް ހޯދިފައިނުވާކަމަށް އޭނާ ފާހަގަކުރެއްވިއެވެ.
އަމީރު އިތުރަށް ވިދާޅުވީ، ސަރުކާރުން ފައިނޭންސް ހޯދުމަށް އިޢުލާނުކުރި ނަމަވެސް، އެއްވެސް ޕްރައިވެޓް ފަރާތަކުން އެ އިޢުލާނަށް އިޖާބަދީފައިނުވާކަމަށެވެ. މީގެ ސަބަބަކީ ރާއްޖޭގެ މާލީ ދެމެހެއްޓެނިވިކަމަށް އިތުބާރު ގެއްލިފައިވުންކަމަށް އޭނާ ވިދާޅުވިއެވެ. އަދި 2025 ވަނަ އަހަރުގެ ބަޖެޓަށް ބޭނުންވާ ފައިނޭންސްވެސް އަދި ހޯދިފައިނުވާކަމަށް އަމީރު ފާހަގަކުރެއްވިއެވެ.
އެމްޑީޕީގެ ސަރުކާރުގައި ޤާނޫނުއަސާސީއާ ޚިލާފަށް މާލީ މަސައްކަތްތައް ކޮށްފައިވާކަމަށް ސަރުކާރުން ކުރަމުންދާ ތުހުމަތުތައް އަމީރު ދޮގުކުރެއްވިއެވެ. އޭނާ ވިދާޅުވީ، ޤާނޫނީ އިމުން ބޭރުން އެ ދައުރުގައި މާލީ މަސައްކަތްތައް ބަލަހައްޓާފައިނުވާނެކަމަށެވެ.
އަމީރު އިތުރަށް ވިދާޅުވީ، ސަރުކާރުގެ ޚަރަދުތައް ކުޑަނުކޮށް ޓެކްސް ބޮޑުކުރަން އެމްޑީޕީއިން ދެކޮޅުހަދާކަމަށެވެ. އަދި މިކަމުގެ ސަބަބުން ބޮޑެތި ގެއްލުންތައް ވެގެންދާނެކަމަށް އޭނާ ވިދާޅުވިއެވެ. ޚަރަދު ކުޑަކުރުމުގެ ގޮތުން ސަރުކާރުން ނަގާފައިވާ ބޭނުންވާ މިންވަރަށްވުރެ އިތުރު ހުރިހާ ސިޔާސީ މަޤާމެއް މަދުކުރަންޖެހޭކަމަށް އަމީރު ވިދާޅުވިއެވެ.
