އުރީދޫގެ ހާއްސަ އާންމު ޖަލްސާ އަންނަ ޑިސެމްބަރު މަހު ބާއްވަން ނިންމައިފި އެވެ.
މީޑިއާތަކަށް މައުލޫމާތު ދެމުން އެ ކުންފުނިން ބުނީ، އަހަރީ އާންމު ޖަލްސާގައި ބައިވެރިވެވޭނީ، މި މަހުގެ 27 ވާ ބުދަ ދުވަހުގެ މެންދުރު 14:00 ގެ ކުރިން އުރީދޫ މޯލްޑިވްސްގެ ހިއްސާދާރުންގެ ގޮތުގައި ރެޖިސްޓްރީކޮށްފައިވާ ނަމަ ކަމަށެވެ. އަދި އަމިއްލަ ނުވަތަ ޕްރޮކްސީ މެދުވެރިކޮށް ޖަލްސާގައި ބައިވެރިވެގެން ފާސް ކުރުމަށް ހުށަހަޅާފައިވާ އެޖެންޑާ އައިޓަމްތަކަށް ވޯޓު ދެވޭނެކަމަށް ވަނީ ބުނެފަ އެވެ.
އުރީދޫއިން ބުނީ އާންމު ޖަލްސާގެ ނޯޓިސްއާއި، އެޖެންޑާ ނޮވެމްބަރު މަސް ނިމުމުގެ ކުރިން ކުންފުނީގެ ވެބްސައިޓުގައި އާންމު ކުރާނެކަމަށެވެ. ނޯޓިސްއާއެކު ޖަލްސާ ބާއްވާނެ ތަނަކާއި، ތާރީހާއި ގަޑި، އެޖެންޑާ އައިތަމްތައް އަދި ވޯޓު ލުމާ ގުޅޭ އިތުރު މައުލޫމާތުތައް ވެސް އާންމު ކުރާނެކަމަށް ބުންޏެވެ.
މިކަމާއި ގުޅޭ އިތުރު މައުލޫމާތު ބޭނުންވާ ފަރާތްތަކަށް 9611657 އަށް ގުޅުމުން ލިބޭނެކަމަށް އުރީދޫއިން ބުންޏެވެ.
