ހުޅުމާލޭގައި ތޫނު އެއްޗެއް ބޭނުންކޮށްގެން ބަޔަކަށް ޙަމަލާދޭން މަސައްކަތްކުރި މީހާގެ ވަނަވަރު ހާމަކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައިވަނީ 33 އަހަރުގެ ހުސައިން ފާއިޤް، (ލިލީގެ އދ ދަނގެތި) އެވެ.
އޭނާ ހައްޔަރުކޮށްފައިވަނީ ހުޅުމާލޭ ފޭސް 1 ގައި ތޫނުއެއްޗެއް ބޭނުންކޮށްގެން މީހަކަށް ޙަމަލާދޭން އުޅުނު ކަމުގެ ތުހުމަތުގައެވެ. އޭނާ ހައްޔަރުކުރީ ހުކުރު ދުވަހުގެ އިރުއޮއްސި 18:30 ހާއިރުއެވެ.
ދިވެހި ފުލުހުންގެ ޚިދުމަތުުން މައުލޫމާތު ދޭ ގޮތުގައި އެވަގުތު އޭނާ ހުއްޓުވަން އުޅުނު ފުލުހަކަށްވެސް ތޫނު އެއްޗެއް ބޭނުންކޮށްގެން ޙަމަލާދޭން މަސައްކަތް ކޮށްފައިވެއެވެ.
މި މައްސަލަ ފުލުހުން ގެންދަނީ އިތުރަށް ތަހުގީީގު ކުރަމުންނެވެ.
