ކާރެއްގައި ރޯކޮށްލިކަމުގެ ތުހުމަތު ކުރެވޭ މީހަކު ބަންދު ކުރުމަށް ކްރިމިނަލް ކޯޓުން އަމުރުކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައިވަނީ 35 އަހަރުގެ ދިވެހި ފިރިހެނެކެވެ. އޭނާގެ މައްޗަށް ކޮށްފައިވަނީ މުދަލަށް ގެއްލުން ދިނުމުގެ ކުށުގެ ތުހުމަތެވެ.
އޭނާ ހައްޔަރު ކުރުމަށްފަހު ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ކޯޓުން ވަނީ އޭނާ 15 ދުވަހަށް ބަންދު ކުރުމަށް އަމުރުކޮށްފައެވެ. ކޯޓު އަމުރުގައި ބުނެފައިވާ ގޮތުން އޭނާގެ މައްޗަށް ތުހުމަތު ކުރެވޭ މިންވަރަށް މި މައްސަލައިގައި ހެކި ހުށަހެޅިފައިވެއެވެ. އެގޮތުން އިންްޓެލިޖެންސް ރިޕޯޓާއި، ސީސީޓީވީ ފުޓޭޖް ހިމެނެއެވެ.
ކޯޓު އަމުރުގައި ބުނެފައިވާ ގޮތުން ދެމީހަކުވެގެން ކާރުގައި ރޯކޮށްލާ މަންޒަރާއި، ރޯކޮށްލުމަށްފަހު ދުވެފައި ދާ މަންޒަރު ސީސީޓީވީ ފުޓޭޖުން ފެންްނައިރު، ހެކިންގެ ބަޔާންތަކުން އޭނާ ފާހަގަކޮށްދީފައިވެއެވެ.
ކާރުގައި ރޯކޮށްލުމުގެ ސަބަބުން އެ ކާރު ބޭނުން ނުކުރެވޭ މިންވަރަށް އަނދާފައިވާއިރު، މިއީ ދެބައެއްގެ ދެމެދުގައި ހިނގި ދެބަސްވުންތަކަކާ ގުޅިގެން ކޮށްފައިވާ ކަމެއްކަމަށް ބެލެވޭކަމަށް އިިންޓެލިޖެންސް ރިޕޯޓުގައި ބަޔާންކޮށްފައިވެއެވެ.
ކްރިމިނަލް ކޯޓުގައި މި އަމުރު ނެރުއްވީ ގާޒީ ސޮފްވަތުު ޙަބީބެވެ.
