އައު އަހަރާއި ދިމާކޮށް ޖެނުއަރީ 2 ވާ ބުރާސްފަތި ދުވަހަކީ ސަރުކާރު ބަންދު ދުވަހެއްކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަނޑައަޅުއްވައިފި އެވެ.
2025، ގެ ޖެނުއަރީ މަހުގެ ފުރަތަމަ ދުވަސް ދިމާވަނީ ބުދަ ދުވަހަކާ އެވެ. އެއީ ކަލަންޑަރުގައިވާ ގޮތުން ބަންދު ދުބަހެއް ނަމަވެސް ޖެނުއަރީ 2 ވާ ބުރާސްފަތި ދުވަހަކީ ކުރިން އޮތް ގޮތުން މަސައްކަތް ކުރާ ދުވަހެކެވެ.
އެހެންވެ މުވައްޒަފުންނަށް ބަނދު ދުވަސްތަކުގެ މެދުކެނޑުމެއް ނައިސް، މުވައްޒަފުންނަށް ޗުއްޓީ ލިބޭ ގޮތް ހަމަޖައްސައިދެއްވުމަށް ރައީސް ނިންމެވީ އެވެ.
ރައީސްގެ މި ނިންމެވުމާއި އެކު އައު އަހަރާއި ގުޅިގެން ސަރުކާރުގެ މުވައްޒަފުންނަށް ހަތަރު ދުވަހުގެ ބަންދެއް ލިބޭނެ އެވެ.
