ތ. ތިމަރަފުށީގައި ގެއަކަށް ގުރޫޕަކުން ވަދެ މާރާމާރީ ހިންގި މައްސަލައިގައި ބަޔަކު ހައްޔަރުކޮށްފި އެވެ.
މީޑިއާތަކަށް މައުލޫމާތު ދެމުން ފުލުހުން ބުނީ މި މައްސަލައިގައި ކޯޓު އަމުރެއްގެ ދަށުން ހައްޔަރު ކުރީ، ފަސް މީހުން ކަމަށެވެ.
މި މައްސަލައިގައި ފުލުހުން ހައްޔަރުކޮށްފައި ވަނީ ތ. ތިމަރަފުށި ޖަހާމުގުރިގެ، އަހުމަދު އަމީން (36 އ) އާއި، ސަލްވާ، އަހުމަދު ޝަހުދީ (38 އ) އަދި އެ ރަށު ހިރި، އާސް އިބްރާހިމް (32 އ) ގެ އިތުރުން ގުލްބަކާވިލާ އަބްދުﷲ ޝަރީފް (39 އ) ގެ އިތުރުން ވަވަތް، މުހައްމަދު ރައޫފު (54 އ) އެވެ.
ތިމަރަފުށީގައި ބަޔަކު ގެޔަކަށް ވަދެ މާރާމާރީ ހިންގި މައްސަލަ ތަހުގީގު ކުރަމުންދާކަމަށް ފުލުހުން ބުންޏެވެ. އަދި ހާދިސާގެ އިތުރު ތަފްސީލު ހިއްސާކޮށްފައި ނުވެއެވެ.
