މާލޭގެ ފިހާރައެއްގެ ބިއްލޫރިގަނޑު ތަޅާލި މީހަކު 27 ދުވަހަށް ޖަލަށްލާން ކްރިމިނަލް ކޯޓުން ޙުކުމްކޮށްފިއެވެ.
މި މައްސަލައިގައި އެމީހާގެ މައްޗަށް ކޮށްފައިވަނީ މުދަލަށް ގެއްލުން ދިނުމުގެ ކުށުގެ ދައުވާއެވެ. އެ ދައުވާއަށް އޭނާ އިއުތިރާފުވެފައިވާތީީ ދައުލަތުން ވަނީ އޭނާއާއެކު އިއުތިރާފު އެއްބަސްވުމެއް ހަދާފައެވެ.
އެ އެއްބަސްވުން ޝަރީއަތަށް ހުށަހެޅުމުން ޝަރީއަތުން ވަނީ އިއުތިރާފުގެ އެއްބަސްވުން ބަލައިގަނެފައެވެ.
އެހެންކަމުން މި މައްސަލައިގައި އުފުލާފައިވާ ދައުވާ ސާބިތުވާކަމަށް ކޯޓުން ވަނީ ނިންމާފައެވެ. އަދި އޭނާ ދައުލަތާއި އެކު ވެފައިވާ އިއުތިރާފު އެއްބަސްވުމުގައިވާގޮތަށް 27 ދުވަހުގެ ޖަލު ޙުކުމެއް ވަނީ އިއްވާފައެވެ.
އޭގެ ތެރެއިން އޭނާ ތަންފީޒު ކުރަންޖެހެނީ 17 ދުވަހުގެ ޖަލު ޙުކުމެކެވެ.
ކްރިމިނަލް ކޯޓުގައި މި މައްސަލަ ނިންމެވީ ގާޒީ އަލީ ނަދީމެވެ.
