އެމެރިކާގެ ކުރީގެ ރައީސް ޖިމީ ކާޓަރ އުމުރުފުޅުން 100 އަހަރުގައި އަވަހާރަވެއްޖެއެވެ.
ޖިމީގެ އާއިލާއާ ޙަވާލާދީ ބޭރުގެ ނޫސްތަކުން ރިޕޯޓު ކޮށްފައިވާ ގޮތުން އޭނާ އަވަހާރަވެފައިވަނީ އާއިލާއާއެކު އަމިއްލަ ގެކޮޅުގައި ހުންނަވަނިކޮށެވެ. އެގޮތުން މިދިޔަ އަހަރުން ފެށިގެން އޭނާ ގެންދަވަނީ އާލާސްކަންފުޅެއް ޖެހިވަޑައިގެން ގެކޮޅުގައި ފަރުވާ ހޯއްދަވަމުންނެވެ.
އެކަމާ ގުޅިގެން އެމެރިކާގެ ރައީސް ޖޯ ބައިޑެން އަދި އިންތިޚާބީ ރައީސް ޑޮނަލްޑް ޓްރަމްޕްވެސް ވަނީ ހިތާމަ ފާޅު ކުރައްވާފައެވެ.
1977ން 1981ށް ވެރިކަން ކުރެއްވި ޖިމީ ކާޓަރ އަކީ އެމެރިކާގެ 39 ވަނަ ރައީސެވެ. އަދި އޭނާއަކީ އެމެރިކާގެ ތާރީޚުގައިވެސް އެންމެ ދިގު މުއްދަތަކަށް ދުނިޔޭގައި ހުންނެވި ރައީސެވެ.
ޖިމީ ކާޓަރ އަވަހާރަވުމާއި ގުޅިގެން ދުނިޔޭގެ އެކި ކަންކޮޅުތަކުގެ ވެރިންވެސް ގެންދަވަނީ ތައުޒިޔާ ވިދާޅުވަމުންނެވެ.
