ބައިނަލްއަގްވާމީ ހަތަރު ޖަމިއްޔާއަކަށް ކަނޑައެޅުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނަން ފޮނުވި މަންދޫބުންނަށް ރައްޔިތުންގެ މަޖިލީހުން ރުހުން ދީފިއެވެ.
މިއަދުގެ މަޖިލީހުގައި ރުހުން ދިން މަންދޫބުން:
އިންޓަނޭޝަނަލް މެރިޓައިމް އޯގަނައިޒޭޝަން (އައިއެމްއޯ) – އިނގިރޭސިވިލާތަށް ކަނޑައަޅާފައި ހުންނަވާ ސަފީރު ޑރ. އިރުތިޝާމް އާދަމް
އިންޓަނޭޝަނަލް ރިނިއުބަލް އެނާޖީ އޭޖެންސީ (އައިރީނާ) – އެކުވެރި އަރަބި އިމާރާތަށް ކަނޑައަޅާފައި ހުންނަވާ ސަފީރު މުޙައްމަދު ޙުސައިން ޝަރީފް
ވޯލްޑް ޓްރޭޑް އޯގަނައިޒޭޝަން (ޑަބްލިއުޓީއޯ) – ޖެނީވާގައި ހުންނަ އ.ދ.ގެ މަރުކަޒުތަކަށް ކަނޑައަޅާފައި ހުންނަވާ ދާއިމީ މަންދޫބު ޑރ. ސަލްމާ ރަޝީދު
އޯގަނައިޒޭޝަން އޮފް އިސްލާމިކް ކޯޕަރޭޝަން – ސައުދީ އަރަބިއްޔާއަށް ކަނޑައަޅާފައި ހުންނަވާ ސަފީރު އަހްމަދު ސަރީރް
އެގޮތުން އިންޓަނޭޝަނަލް މެރިޓައިމް އޯގަނައިޒޭޝަން (އައިއެމްއޯ) ގެ މަމްދޫބަކަށް އިރުތިޝާމް ކަނޑައެޅުމަށް 73 މެމްބަރުން ރުހުން ދިނެވެ. އަދި އިންޓަނޭޝަނަލް ރިނިއުބަލް އެނާޖީ އޭޖެންސީ (އައިރީނާ)ގެ މަމްދޫބަކަށް މުހައްމަދު ހުސެއިން ޝަރީފް ކަނޑައެޅުމަށްވެސް 73 މެންބަރުން ރުހުން ދިނެވެ.
ވޯލްޑް ޓްރޭޑް އޯގަނައިޒޭޝަން (ޑަބްލިއުޓީއޯ)ގެ މަމްދޫބަކަށް ޑރ. ސަލްމާ ކަނޑައެޅުމަށް މަޖިލީހުގެ 72 މެންބަރުން ފެންނަ ކަމަށް ވޯޓު ދީފައިވާއިރު، އޯގަނައިޒޭޝަން އޮފް އިސްލާމިކް ކޯޕަރޭޝަންގެ މަމްދޫބަކަށް އަހުމަދު ސަރީރް ހަމަޖެއްސުމަށް 74 މެންބަރުން ފެންނަ ކަމަށް ވޯދު ދިނެވެ.
