ދިރާސީ އާ އަހަރުގެ ކިޔެވުން މިއަހަރަށް އޭޕްރީލް ހަތް ވަނަ ދުވަހު ފަށާ ގޮތަށް އެކަޑެމިކް ކަލަންޑަރުގައި ހިމަނައިފިއެވެ.
އެޑިއުކޭޝަން މިނިސްޓްރީއިން ވަނީ އާދީއްތަ ދުވަހު އެކަޑެމިކް ކަލަންޑަރު އާންމުކޮށްފައެވެ. މި ކަލަންޑަރުގައިވާ ގޮތުން ފުރަތަމަ ޓާމުގެ ޗުއްޓީ ފަށާނީ ޖުލައި 24 ގައެވެ. އަަދި ދެވަނަ ޓާމު ފެށުމަށް ހިމަނާފައިވަނީ އޮގަސްޓު 10 ގަ އެވެ.
ކޮވިޑް 19 ގެ ބަލިމަޑުކަމުގެ ކުރިން ކޮންމެ އަހަރެއްގެވެސް ދިރާސީ އަހަރު ފަށަނީ ކޮންމެ އަހަރެއްގެ ޖެނުއަރީގައެވެ. ދިރާސީ އާ އަހަރު އޮގަސްޓުގައި ފަށާ ގޮތަށް ބަދަލު ކުރީ 2021 ގައެވެ.
ދިރާސީ އަހަރު ފަށާ ދުވަސް ކުރިން އޮތް ގޮތަށް ބަދަލުކޮށްދިނުމަށް ގިނަ ބަޔަކު އަންނަނީ އެދެމުންނެވެ. ބޮޑު ޗުއްޓީ އަލުން ޑިސެމްބަރު މަހަށް ބަދަލު ކުރުމަކީ ރައީސް މުއިއްޒުގެ ވެރިކަމުގެ ފުރަތަމަ 100 ދުވަހުގެ ރިޔާސީ ވައުދެކެވެ. މި އަހަރުގެ ބޮޑު ޗުއްޓީ ޑިސެމްބަރު މަހު ލިބޭނެއެވެ. އެއީ ޑިސެމްބަރު 28 އިން ޖެނުއަރީ 27 އަށެވެ.
