މޯލްޑިވްސް މަނިޓަރީ އޮތޯރިޓީ (އެމްއެމްއޭ) ޑެޕިއުޓީ ގަވަރުނަރު އަހުމަދު އިމާދު އެ މަގާމުން ވަކިކުރަން ރައީސްއަށް ލަފާދިނުމަށް އެ މައްސަލަ މާލިއްޔަތު ކޮމިޓީއަށް މިއަދު ހުށަހަޅައިފިއެވެ.
ދިއްދޫ ދާއިރާގެ ޕީއެންސީ މެމްބަރު މަޖިލީހަށް ހުށަހެޅުއްވި މި މައްސަލައިގައި ބުނެފައި ވަނީ އެމްއެމްއޭގެ ކުރީގެ ގަވަނަރު އަލީ ހާޝިމް ގާނޫނުން މަތިކޮށްފައިވާ ޒިންމާތައް އަދާނުކޮށް ހުންނެވިއިރު ވެސް އެކަން ފާހަގަކޮށް ހުއްޓުވުމުގައި ޑެޕިއުޓީ ގަވަނަރަށް އޮތް ޒިންމާ އިމާދު އަދާކޮށްފައި ނުވާކަމަށެވެ. އަދި އިމާދު ވަކި ކުރުމަށް ހުށަހަޅަނީ، ޑެޕިއުޓީ ގަވަނަރުގެ މަސައްކަތްތަކާއި ޒިންމާތައް އޭނާއަށް ރަނގަޅަށް އަދާކުރެވިފައި ނެތުމުންކަމަށް ވަނީ ބުނެފައެވެ.
މާލިއްޔަތު ކޮމިޓީން އެ ހުށަހެޅުން ބަލައިގަނެ އެ ނިންމުން މަޖިލީހުގެ ތަޅުމަށް ފޮނުވުމަށް ވެސް ވަނީ ނިންމާފަ އެވެ.
މާލިއްޔަތު ކޮމިޓީގައި ދެކެވުނު ބައެއް ވާހަކަތަކަށް ބަލާއިރު، ގައުމުގެ އިގްތިސާދީ ހާލަތު ވަރަށް ބޮޑަށް ގޯސްވެފައިވާތީ ސަރުކާރަަށް ވަރަށް ބައިވަރު މަސައްކަތަކެއް ކުރަން ޖެހިފައިވާކަމަށް ހެންވޭރު އުތުރު ދާއިރާގެ މެންބަރު އަހުމަދު އައިފާން ވިދާޅުވިއެވެ.
އެހެންކަމުން މިފަދަ މަގާމުތަކުގައި ތިބި ފަރާތްތަކުން މަސްއޫލިއްޔަތު އަދާކުރޭތޯ ބެލުމަކީ މުހިންމުކަމެއްކަމަށް ވިދާޅުވިއެވެ. މަޖިލީހުގެ ތެރެއިން މި މައްސަލަ ބަލާ، ގޮތް ނިންމަން ޖެހޭކަމަށް ލަތީފް ވިދާޅުވިއެވެ.
