ރޯދަ މަސް ފެށުމަށްފަހު ފުރަތަމަ ފަހަރަށް ކަރާގެ އަގު މައްޗަށް ގޮސްފިއެވެ.
މިހާރު ކަރާ ކިލޯއެއްގެ އަގު އުޅެނީ 30 ރުފިޔާއަށެވެ. މި ރޯދަ މަސް ފެށުނުއިރު ކަރާ ކިލޯއެއް އުޅުނީ 20 ރުފިޔާއަށްކަން ފާހަގަކޮށްލެވެއެވެ.
މިހާރު ކަރާ ލިބުން ވަރަށް ދަތިކަމަށް މާރުކޭޓުގައި ތިބޭ މީހުން ބުންޏެވެ. އ. ތޮއްޑޫ ފަދަ ރަށްރަށުން މިހާރު އެއްގޮތަކަށް ވެސް ކަރާ ނުލިބޭކަމަށްވެސް ބައެއް ފަރާތްތަކުން ބުނެއެވެ.
ކުރިއަށް އޮތް ދުވަސްތަކުގައި ކަރާގެ އަގު މިހާރަށްވުރެ ވެސް ބޮޑުވާނެ ކަމަށާއި، ކަރާ ނުލިބުން ވެސް އެކަށީގެންވާކަމަށް ލަފާކުރެއެވެ.
މިއީ މި ރޯދަ މަސް ފެށުނު ފަހުން ކަރަލުގެ އަގު މައްޗަށް ދިޔަ ފުރަތަމަ ފަހަރެވެ.
ތަކެތީގެ އަގު ރޯދަ މަހާ ދިމާކޮށް މައްޗަށްދާ މައްސަލައަށް ހައްލު ގެނައުމަށް ސަރުކާރުން ވަނީ ގިނަ މަސައްކަތްތަކެއް އެސްޓީއޯފަދަ ކުންފުނިތަކާއި ގުޅިގެން ފަށާފައެވެ.
