ފަޅުގައި އޮޑި ދޯނިފަހަރު އަޅާފައި އޮންނަ ވަގުތުތަކުގައި އެ އުޅަނދު ބަލަހައްޓަން ފަޅުވެރިން ތިބެން ޖެހޭނެ ކަމަށް ޓްރާންސްޕޯޓް މިނިސްޓްރީން ބުނެފިއެވެ.
ޓްރާންސްޕޯޓް މިނިސްޓްރީން ކޮށްފައިވާ އިއުލާނެއްގައި ބުނެފައިވަނީ ފަޅުވެރިން ނެތި އުޅަނދު ދޫކޮށްލައިފައި ވަނިކޮސް ހިތާމަވެރި ހާދިސާތައް ހިނގައިފައިވާކަން ފާހަގަކުރެވިފައިވާ ކަމަށެވެ. އެހެންކަމުން ފަޅުތެރޭގައި އޮޑިދޯނި ފަހަރު އަޅާފައި އޮންނަ ވަގުތުގައިވެސް އެކަށީގެންވާވަރަށް ފަޅުވެރިން ތިބެންޖެހޭނެ ކަމަށް މިނިސްޓްރީން ވަނީ ބުނެފައެވެ.
އޮޑިދޯނި ފަހަރު ފަޅުތެރޭގައި އަދި ކަނޑުގެ ސަރަހައްދުގައި ނަގިލި ލުުމަށްފަހު، އުޅަނޑު ބެލެހެއްޓުމަށް އެއްވެސް ފަޅުވެރިއެއް ނެތި ދޫކޮށްލާފައިވާ ކަމަށް މިނިސްޓްރީން ބުނެފައިވެއެވެ. އެކަމުގެ ސަބަބުން ތަފާތު ނުރައްކާތެރި ހާދިސާތައް ދިމާވެ މީހުންގެ މުދަލަށް ގެއްލުންވަމުންދާކަން އިއުލާނުގައި ވަނީ ފާހަގަކޮށްފައެވެ.
މީގެއިތުރަށް ނަގިލި ލާފައި އުޅަނދު ބެލެހެއްޓުމަށް ބޭނުންވާ އަދަދަށް އެ އުޅަނދުގައި ފަޅުވެރިން ނެތްނަމަ އެ އުޅަނދުގެ ވެރިފަރާތް ރާއްޖޭގެ ކަނޑުގެ ސަރަހައްދުގައި ދަތުރުކުރާ އުޅަނދުފަހަރުގެ ސަލާމަތާއި ބެހޭ ގަވާއިދުގެ ދަށުން 1000 ރުފިޔާއިން ޖުރިމަނާ ކުރަނެ ކަމަށްވެސް އިއުލާނުގައި ބުނެފައިވެއެވެ.
