އިނގިރޭސިވިލާތުގައި ރާއްޖޭގެ ފަތުރުވެރިކަން ކުރިއެރުވުމަށްޓަކައި ސަރުކާރުން ކުރަމުންދާ މަސައްކަތްތައް ފާހަގަކޮށް ކުރީގެ ރައީސް މައުމޫން އަބްދުލް ގައްޔޫމް ރައީސް ޑރ މުހައްމަދު މުއިއްޒުއަށް ޝުކުރު އަދާކުރައްވައިފިއެވެ.
ދިވެހިރާއްޖޭގެ ފަތުރުވެރިކަން އިސްތިހާރުކުރުމަށް ލިވަޕޫލް އެފްސީއާ ގުޅިގެން ކުރިއަށްގެންދާ ކޯ-ބްރޭންޑް ކެމްޕޭން ހަރަކާތް ފެށުމުގައި ބައިވެރިވެވަޑައިގަތުމަށް ރައީސް ޑރ މުއިއްޒު އިނގިރޭސިވިލާތަށް ފުރާވަޑައިގެންފައިވާއިރު ރައީސް މައުމޫންވަނީ ސޯޝަލްމީޑިއާގައި މެސެޖެއް އާންމުކުރައްވައި ސަރުކާރުގެ މަސައްކަތްތަކަށް ތައުރީފް ކުރައްވާފައެވެ.
ރައީސް މައުމޫން ވިދާޅުވީ، އެމަނިކުފާނަކީ 1970 ގެ އަހަރުތަކުން ފެށިގެންވެސް ލިވަޕޫލްގެ ވަރަށް ބޮޑު ސަޕޯޓަރެއްކަމަށެވެ. އެހެންކމަުން ރައީސް މުއިއްޒު އެ ޓީމާއި ގުޅިގެން ރާއްޖޭގެ ފަތުރުވެރިކަން ކުރިއެރުވުމަށްޓަކައި މަަސއްކަތްތަކެއް ފެއްޓެވުމަށް ކަނޑައެޅިފައިވުމުން އެކަމާއި އުފާކުރައްވާކަމަށެވެ. އަދި އެންފީލްޑް ދަނޑުގައި ކެމްޕެއިން ފެއްޓެވުމަށް އެމަނިކުފާނަށް ޝުކުރު އަދާކުރައްވާފައިވެއެވެ.
